int(923) акафист феодоровской иконе божией матери | Богородица | Tsurganov.info




акафист феодоровской иконе божией матери


Икона Божией Матери "Феодоровская"

АКАФИСТ ПРЕСВЯТЕЙ БОГОРОДИЦЕ В ЧЕСТЬ ИКОНЫ ЕЯ «ФЕОДОРОВСКАЯ»

Кондак 1

В збранней Воеводе, Пренепорочней Деве Богородице, Заступнице нашей и Предстательству христиан непостыдному, явлением чудныя иконы Своея радование подавшей земле Российстей и вся верная чада Церкве просветившей, благодарение усердно приносим Ти, Богородице, и припадающе пречудному образу Твоему, умильно глаголем: спаси, Госпоже, и помилуй рабы Твоя, зовущия:


Радуйся, Матерь Божия, Предстательнице и Заступнице наша усердная.

А рхангел Гавриил от Бога послан бысть во град Назарет ко Пречистей Деве Марии, и вшед к Ней рече: Радуйся, Благодатная, Господь с Тобою, благословенна Ты в женах. Архангельскому гласу подражающе, и мы, грешнии, радости и благодарения в сердце своем исполнени, пред явленным образом Твоим благохваления наша возносити к Тебе дерзаем, Пресвятая Богородице:

Радуйся, отрасле от корене Давидова благословенная; радуйся, обетом родителей в жертву Богу принесенная.

Радуйся, святых праведных Иоакима и Анны Дщи Богоданная; радуйся, триех лет во храм Божий введенная и тамо воспитанная.

Радуйся тамо смирением и чистотою всех удивившая; радуйся, тамо архангельския беседы сподобльшаяся.

Радуйся, Дево, о зачатии Бога Слова благовестие во смирении приимшая; радуйся, избранная Отроковице, к зачатию Бога Слова силою свыше осененная.

Радуйся, тайну воплощения Сына Божия, от веков в Бозе сокровенную, открывшая; радуйся, Агнице, рождшая Агнца Христа, вземшаго грехи мира.

Радуйся, Тобою бо избавляемся мук адовых; радуйся, Тобою бо сподобляемся вечныя жизни.

Радуйся, Мати Божия, Предстательнице и Заступнице наша усердная.

Кондак 2

В идя икону Твою, Пресвятая Дево, на древе стоящу, князь благочестивый Костромский ужасом многим содрогашеся недоумея, что бысть видение сие. Хотящу же ему прияти ю и от сего свыше удержану ему бывшу, не можаше; уведев, яко чудно есть иконы тоя явление, воззва к Богу: Аллилуиа.

Р азумом желая разумети князь благочестивый пришествие пречуднаго Твоего образа во град Кострому, Богородице, душею радования преисполненною себе предаде водительству Божию, и преклонь колена, со страхом вопияше Тебе:

Радуйся, Дево, явльшая образ Свой чудно; радуйся, Благословенная, в явлении образа Своего милосердие нам являющая.

Радуйся, о всех чтущих Сына Твоего промышляющая; радуйся, всем просящим у Тебе дары, в меру веры, ко спасению подающая.

Радуйся, путь истины заблудшим показующая; радуйся, к горнему миру чудесы Твоими ум наш возводящая.

Радуйся, смущения помышлений сумнительных удаляющая; радуйся, славящих Тя всегда прославляющая.

Радуйся, чистотою Твоею чистоте нас научающая; радуйся, чистотою Твоею нечистоту нашу обличающая.

Радуйся, моления наша приемлющая; радуйся, рыданий и слез не отметающая.

Радуйся, Мати Божия, Предстательнице и Заступнице наша усердная.

Кондак 3

С илу Божию благочестивый князь познав в восхождении образа чуднаго Твоего, Богомати, в явлении же видев милосердие Твое ко всем спасение хотящим получити, рече: Аллилуиа.

И мев помысл стяжати даруемое небесное сокровище, лик Твой светлый, Богомати, второе простре державный руку к образу нисшедшему; узрев же паки его восхождение, скоро пойде во град и поведа о бывших ему освященному собору, да пришедше и видяще иконы Твоея явление возопиют с ним вернии:

Радуйся, Пренепорочная Дево; радуйся, Мати Неприступнаго Света.

Радуйся, честнейшая Херувим; радуйся, славнейшая без сравнения Серафим.

Радуйся, Небесными Силами величаемая; радуйся, от всех земнородных ублажаемая.

Радуйся, неизреченное веселие Ангелов; радуйся, венче царственный всех пророков и апостолов.

Радуйся, православия Христовы Церкве ограждение; радуйся, всех суемудрых учений и ересей низложение.

Радуйся, Мати Божия, Предстательнице и Заступнице наша усердная.

Кондак 4

Б урю внутрь имея помышлений недоуменных, освященный собор со псалмы и песньми духовными абие притече видети образ Твой, Неискусобрачная. Узрев же его на древе дивно стояща и благолепно красотою сияюща, рече: Аллилуиа.

С лышаша людие честныя иконы Твоея, Богоотроковице, пришествие и, ко оной текше, поклоняхуся, аки Самей Тебе сущей, и со умилением и слезами вопияху к Тебе:

Радуйся, Дево, Благословенная в женах, во чреве Твоем Носителя всяческих носившая; радуйся, рождением Сына Твоего спасение миру всему явльшая.

Радуйся, человеки с Богом соединившая; радуйся, превышшая небес, избавльшая нас от клятвы.

Радуйся, нас к вечной жизни руководящая; радуйся, Владычице мира.

Радуйся, Божие к смертным благоволение; радуйся, смертных к Богу дерзновение.

Радуйся, благих во благости соблюдающая; радуйся, лукавых на путь благий обращающая.

Радуйся, под сень крова Твоего прибегающих милующая; радуйся, уповающих на Тя вся потребная к животу и благочестию дарующая.

Радуйся, Мати Божия, Предстательнице и Заступнице наша усердная.

Кондак 5

Я ко боготечную звезду узреша людие икону Твою, Безневестная Дево, и, яко многосветлый светильник, поставиша ю во святем соборнем храме, радующеся и вопиюще Богу: Аллилуиа.

В идевше жителие града Городца образ Твой, Владычице, во храме града Костромы стоящий, и на руку Твоею держима Богомладенца Иисуса, скорбию одержима беша, зане отшествие его бысть из града их. Мы же, обрадовани благоволением Твоим ко граду нашему, приносим Ти дары, и, с любовию лобызающе Твой святый образ, вопием Ти:

Радуйся, обретение Тебе ищущих; радуйся, радостию неизреченною верных сердца исполняющая.

Радуйся, сокровище благодати неистощимое; радуйся, милости приснотекущий источниче.

Радуйся, от тяжких бед спасающая; радуйся, от смертносныя язвы избавляющая.

Радуйся, всего мира Ходатаице; радуйся всех недугов Целительнице.

Радуйся, Красото несравненная; радуйся, Доброто несказанная.

Радуйся, Мати Божия, Предстательнице и Заступнице наша усердная.

Кондак 6

П роповедницы богоноснии быша видевшии образ Твой, Богородице. Возвращся бо кийждо во страну свою, возвещаше о пришествии его и чудесех от него бываемых, воспевая Богу: Аллилуиа.

В озсиявши благодать от чуднаго образа Твоего, Чистая, веру немощствующих утверди, верных же возвесели сердца любовию. Сего ради радующеся вопием Ти:

Радуйся, Пресвятая Дево, светом небесныя истины нас озаряющая; радуйся, мглу греховную от нас отгоняющая.

Радуйся, чудесы Твоими к боговедению нас приводящая; радуйся, всех кающихся грешников ко благочестию подвизающая.

Радуйся, всех притекающих к Тебе крепкое заступление; радуйся, немощствующих умом утверждение.

Радуйся, изнемогающих в вере возставляющая; радуйся, тихое пристанище в море житейстем обуреваемым.

Радуйся, злыя советы сынов погибельных открывающая; радуйся, вознесенную гордыню врагов отечества нашего смиряющая.

Радуйся, православных царей Державо; радуйся, всех христиан Похвало.

Радуйся, Мати Божия, Предстательнице и Заступнице наша усердная.

Кондак 7

Х отя прославити Сын Твой, Богородице, святую икону Твою во граде Костроме, повеле ю в день Успения Твоего святому великомученику Феодору Стратилату носити по граду сему, да вси, видяще чудо сие, благодарным сердцем возопиют ему: Аллилуиа.

Ч удо новое яви нам Господь мольбами Твоими, Богородице, егда сгоревшу храму, в немже бе поставлен святый образ Твой, сохрани его в пепле невредима от огня, и тако мневших сгоревша его печаль в радость преложи. Мы же, чудо сие ведяще, воспеваем Ти таковая:

Радуйся, Купино Неопалимая; радуйся, огненный столпе, сущия во тьме наставляяй.

Радуйся, Кивоте, Духом позлащенный, Невместимаго Бога вместивший; радуйся, кадильнице златая, яко фимиам благоуханный, молитвы Твоя за ны к Богу Сыну присно возносящая.

Радуйся, жезле Ааронов, к явлению в мире Сына Твоего прозябший; радуйся, руно Гедеоново, благодатию Божиею во спасение наше орошенное.

Радуйся, горо несекомая, от Неяже отсечеся краеугольный камень Христос; радуйся, храме одушевленный, в Немже вселися Божество телесне.

Радуйся, девства охранение; радуйся, супружества благословение.

Радуйся, паче всех Господа возлюбившая; радуйся, паче всех от Него превознесенная.

Радуйся, Мати Божия, Предстательнице и Заступнице наша усердная.

Кондак 8

С транное чудо видевше, на воздусе икону Богоматери стоящу, аки руками ангельскими держиму, егда второе сгоре храм, в немже стоя явленная сия икона, отвержемся, людие, мира сего, ум на небеса преложше; сего бо ради и дадеся нам чудная икона Богородицы, да, взирающе на ню, горная мудрствуем, а не земная, вопиюще к Богу: Аллилуиа.

В вышних пребывающи селениих, и нижних не разлучилася еси, Богородице, чудесы Твоими всех просвещающи приходящих к Тебе с верою, сего ради и слышиши от нас сия:

Радуйся, Мати Христа Бога нашего, на Небеси пребывающая; радуйся, на земли нас не оставляющая.

Радуйся, ради величества Твоего на Небеси Ангелы окруженная; радуйся, ради славы Твоея на земли от человек прославляемая.

Радуйся, Тебе бо служат вся Небесныя Силы; радуйся, Тебе бо, по Бозе, хваление возносят Херувими и Серафими.

Радуйся, лице Божие выну на Небеси созерцающая; радуйся, пред престолом Сына Твоего Матернии руце Твои, за ны молящися, простирающая.

Радуйся, нас, сущих на земли, от всякаго зла омофором Твоим покрывающая; радуйся, верных от всяких душепагубных дел удаляющая.

Радуйся, рождением Сына Божия двери Царства Христова нам отверзшая; радуйся, надеждою приятия небесных благ верных души услаждающая.

Радуйся, Мати Божия, Предстательнице и Заступнице наша усердная.

Кондак 9

В сякое естество ангельское превозносит Тя, Дево, великия ради любве Твоея к роду христианскому; незрима бо и неприступна, яко Мати Бога от земли к Небеси возшедшая, пречистым Твоим образом зриму и приступну Себе являеши всем воспевающим Сыну Твоему: Аллилуиа.

В ития многовещанныя, яко рыбы безгласны, зрим о Тебе, Богородице, недоумеют бо глаголати о славных чудесех, от явленныя Твоея иконы бываемых. Мы же оным дивящеся благодарно вопием Ти:

Радуйся, слепых прозрение; радуйся, хромых хождение.

Радуйся, от темных и лукавых духов исцеляющая; радуйся, лучами от Твоего пречистаго образа изшедшими врагов земли нашея отгнавшая.

Радуйся, больным видение Твое даровавшая; радуйся, молящимся явленней иконе Твоей исцеление подающая.

Радуйся, разслабленных от одра болезни воздвигающая; радуйся, немым разрешающая уста.

Радуйся, от плена вражия возвращающая; радуйся, лютыя плоти страсти утоляющая.

Радуйся, души верных неизреченным милосердием Твоим умиляющая; радуйся, неизглаголанным Твоим человеколюбием унывающих ободряющая.

Радуйся, Мати Божия, Предстательнице и Заступнице наша усердная.

Кондак 10

С облюсти хотящи в чистоте домостроительство Церкве Православныя, Чистая, и, утвердити скипетр державы Российския, чудною иконою Твоею вложила еси в сердце благовернаго государя Михаила Феодоровича прияти венец царский земли Российския, да вси видящии видят, яко Вышний владеет царством, и емуже хощет дает е, и возопиют Ему: Аллилуиа.

С тена еси необоримая, Богородице Дево, всем к Тебе прибегающим: никтоже бо притекаяй к Тебе тощ отходит. Сего ради ущедряеми милостию Твоею, во умилении души возглашаем Тебе:

Радуйся, твердая стено, от враг видимых и невидимых охраняющая; радуйся, крепкая защито упование на Тя возложившим.

Радуйся, познания истины чистое зерцало; радуйся, сохранения веры крепкое забрало.

Радуйся, грады и страны христианския предстательством Твоим от врагов спасающая; радуйся, царем благоверным поборающая.

Радуйся, мир во градех селящая; радуйся, благонравным благопоспешающая.

Радуйся, силою молитв Твоих злыя помыслы в ничтоже обращающая; радуйся, силы врагов ближняго сокрушающая.

Радуйся, юности наставление; радуйся старости поддержание.

Радуйся Мати Божия, Предстательнице и Заступнице наша усердная.

Кондак 11

П ение всякое побеждается спростретися тщащееся множеству многих щедрот Твоих; равночисленныя бо песку морскому песни аще приносим Ти, Богородице Дево, ничтоже совершаем достойно, яже даровала еси нам, вопиющим к Богу: Аллилуиа.

С ветоприемную свещу, древле явльшуюся, зрим во святей иконе Твоей, Богородице Дево, егда град наш защитила еси от разорения врагов земли нашея лучами, от святыя Твоея иконы исходящими. Сего ради с верою припадающе к ней и с любовью лобызающе ю, вопием Ти:

Радуйся, Мати Превечнаго Света Христа, учением Его души просвещающая; радуйся, благодатию Божиею неверующих к вере в Бога приводящая.

Радуйся, путешествующим спутешествующая; радуйся, нуждно плавающих Кормчая.

Радуйся, от всякия скорби, гнева и нужды спасающая; радуйся, от глада, губительства, труса и огня сохраняющая.

Радуйся, избавляющая от иноплеменных; радуйся, охраняющая от междоусобныя брани.

Радуйся, во святей иконе Твоей, яко солнце, в Костромских пределех возсиявшая; радуйся, зде отрасль царственную возвеличившая.

Радуйся, Тобою бо утверждаются царства; радуйся, Тобою бо венчаются царие.

Радуйся, Мати Божия, Предстательнице и Заступнице наша усердная.

Кондак 12

Б лагодать приявшая от Бога Сына Твоего, Дево Богородице, и ту древле излиявшая на всех прибегающих к образу Твоему, не лиши ныне и нас богатыя Твоея милости, даруй нам покаяние о гресех, да чистым сердцем и устны взываем к возлюбленному Сыну Твоему и Богу нашему: Аллилуиа.

П оюще Твоея милости и чудеса, хвалим Тя вси, Богородице, и, яко древлий Израиль к кивоту Завета, притекаем ко образу лица Твоего, и из глубины души вопием: воздвигни руце Твоя к Сыну Твоему, да подаст нам вся благая и спасительная с верою и любовию вопиющим Ти:

Радуйся, радосте наша безконечная; радуйся, светлосте и отрадо сердечная.

Радуйся, надеждо наша крепкая; радуйся, сирым приятелище.

Радуйся, странным прибежище; радуйся, обидимым Покровительнице.

Радуйся, оклеветаемых оправдание; радуйся, благих защищение.

Радуйся, Мати Божия, Предстательнице и Заступнице наша усердная.

Кондак 13

О Премилосердая Заступнице наша, великия ради милости Твоея даровавшая отечеству и граду нашему чудотворную икону Твою во освящение, утешение и ограждение наше, нынешнее приемши славословие, от всякаго злаго обстояния избави рабы Твоя. Скипетр благовернаго Императора нашего утверди, даруй ему здравие и спасение, на враги победу и одоление и всех нас вечных мук свободи, устнами, душею же и сердцем вопиющих: Аллилуиа.

Этот кондак читается трижды, затем 1-й икос; «Архангел Гавриил. » и 1-й кондак: «Взбранней Воеводе. »

Молитва первая

О Премилосердая Госпоже, Царице, Богородице, приими смиренное моление наше, и не отрини нас, заступление и прибежище наше, и не возгнушайся нас, недостойных, но, яко Милосердая, не престани молящи, Егоже родила еси, да дарует нам прощение многих согрешений наших, да спасет нас, имиже весть судьбами. Помилуй нас, Владычице, помилуй нас, несть бо нам спасение от дел. Темже верно вопием Ти: помилуй рабы Твоя и неплодное сердце наше покажи плодоносно благих дел. Призри на нас, недостойных, Ты бо упование и покров наш, жизнь и свет сердцу нашему. Яко Невечерний Свет от чрева Твоего воздвигшая, озари душу нашу, Чистая, и отжени всяку мглу сердца нашего. Даруй нам умиление, покаяние и сокрушение сердечное. Сподоби нас по вся дни живота нашего творити волю Сына Твоего и Бога нашего и во всем благоугождати Ему Единому. О Богомати, не престани молящи Рождшагося от Тебе за вся, притекающия с верою к сему чудотворному образу Твоему, и подавай им скорую помощь и утешение в скорбех и напастех и злостраданиих, избави их от клеветы и злобы человеческия, от враг видимых и невидимых и всякия нужды и печали. Спаси отечество наше, град сей и вся грады и страны от всяких бед и нужд и сотвори милостива нам быти Бога нашего, отврати всякий гнев Его, на ны движимый, и избави ны от належащаго и праведнаго Его прещения. О Боголюбивая Владычице, Ангелов украшение, мучеников славо и всех святых радосте, с ними моли Господа, да сподобит нас в покаянии скончати живота нашего течение. В смерти же час, Пресвятая Дево, избави нас от власти бесовския и осуждения, и ответа, и страшнаго испытания, и мытарств горьких, и огня вечнаго, да, сподобльшеся славнаго Царствия Божия, величаем Тя и славим воплощшагося от Тебе Христа, Бога нашего, Емуже слава со Отцем и Святым Духом, ныне, и присно, и во веки веков. Аминь.

Молитва вторая

О Пресвятая Владычице Богородице и Приснодево Марие, единая Надеждо нам, грешным, к Тебе прибегаем и Тебе молим, яко велие имаши дерзновение пред рождшимся от Тебе по плоти Господом Богом и Спасителем нашим Иисусом Христом. Не презри слез наших, не возгнушайся воздыханий наших, не отрини скорби нашея, не посрами упования нашего на Тя, но Матерними молении Твоими умоли Господа Бога, да сподобит нас грешных и недостойных свободитися от грехов и страстей душевных и телесных, умрети миру и жити Ему Единому во вся дни живота нашего.

О Пресвятая Владычице Богородице, путешествующим спутешествуй и ограждай и охраняй оныя, избави плененных от пленения, свободи страждущих от бед, утеши сущих в печали, скорбех и напастех, облегчи нищету и всяко злострадание телесное и даруй всем вся потребная к животу, благочестию и жизни временней. Спаси, Владычице, вся страны и грады и сию страну и сей град, имже сия чудотворная и святая икона Твоя дадеся во утешение и ограждение, избави я от глада, губительства, труса, потопа, огня, меча, нашествия иноплеменных, междоусобныя брани и отврати всякий гнев на ны праведно движимый. Даруй нам время на покаяние и обращение, избави нас от внезапныя смерти и во время исхода нашего предстани нам явльшися, Дево Богородице, и избави нас от воздушных мытарств князей века сего, сподоби на Страшнем Судищи Христовем стати одесную и соделай нас снаследники вечных благ, да славим во веки великолепое имя Сына Твоего и Бога нашего со Безначальным Его Отцем и Святым и Благим и Животворящим Его Духом, ныне и присно и во веки веков. Аминь.

Тропарь, глас 4

П ришествием честныя Твоея иконы, Богоотроковице, обрадованный днесь богохранимый град Кострома, якоже древний Израиль к кивоту Завета, притекает ко изображению лица Твоего и воплотившагося от Тебе Бога нашего, да Твоим Матерним к Нему предстательством присно ходатайствуеши всем, под сень крова Твоего прибегающим, мир и велию милость.

Кондак, глас 8

Б лагодарственная приносяще Ти, раби Твои, Богородительнице, о всех, имиже благодеяла еси граду нашему, из глубины души взываем к Тебе и мили ся деем: не престани, Владычице, Матерними к Сыну Твоему и Богу нашему молитвами подавати вся благая и спасительная всем, верою и любовию вопиющим Ти: радуйся, Дево, христиан похвало.


Акафист Пресвятой Богородице перед Ея иконой, именуемой “Феодоровская”

Ключевые слова: Молитвы к Пресвятой Богородице перед Ея иконой, именуемой “Феодоровская”. Акафист Пресвятой Богородице перед Ея иконой, именуемой “Феодоровская”. Феодоровская икона Божией Матери Житие. Феодоровская икона Божией Матери.

Акафист Пресвятой Богородице перед Ея иконой, именуемой “Феодоровская”

Взбранной Воеводе, Пренепорочней Деве Богородице, Заступнице нашей и предстательству христиан непостыдному, явлением чудныя иконы Своея радование подавшей земле Российстей и вся верныя чада Церкве просветившей, благодарение усердно приносим Ти, Богородице, и припадающе пречудному образу Твоему умильно глаголем: спаси, Госпоже, и помилуй рабы Твоя зовущия: радуйся, Мати Божия, Предстательнице и Заступнице наша усердная.

Ангел Гавриил от Бога послан бысть во град Назарет ко Пречистей Деве Марии, и вшед к Ней рече: радуйся, Благодатная, Господь с Тобою, благословенна Ты в женах. Ангельскому гласу подражающе, и мы, грешнии, радости благодарения в сердцы своем исполнени, пред явленным образом Твоим благохваления наша возносити к Тебе дерзаем, Пресвятая Богородице. Радуйся, отрасле от корене Давидова благословенная; радуйся, обетом родителей в жертву Богу принесенная. Радуйся, святых праведных Иоакима и Анны Дщи Богоданная; радуйся, триех лет во храм Божий введенная и тамо воспитанная. Радуйся, тамо смирением и чистотою всех удивившая; радуйся, тамо Ангельския беседы сподобльшаяся. Радуйся, Дево, о зачатии Бога Слова благовестие во смирении приемщая; радуйся, избранная Отроковице, к зачатию Бога Слова силою свыше осененная. Радуйся, тайну воплощения Сына Божия, от веков в Бозе сокровенную, открывшая; радуйся, Агнице, рождшая Агнца Христа, вземшаго грехи мира. Радуйся, Тобою бо избавляемся мук адовых; радуйся, Тобою бо сподобляемся Вечныя Жизни. Радуйся, Мати Божия, Предстательнице и Заступнице наша усердная.

Видя икону Твою, Пресвятая Дево, на древе стоящу, князь благочестивый костромский ужасом многим содрогашеся недоумея, что бысть видение сие. Хотящу же ему прияти ю и от сего свыше удержану ему бывшу, не можаше: уведев, яко чудно есть иконы тоя явление, воззва к Богу Аллилуиа.

Разумом желая разумети князь благочестивый пришествие пречудного Твоего образа во град Кострому, Богородице, душею радования преисполненною себе предаде водительству Божию, и преклонь колена, со страхом вопияше Тебе: Радуйся, Дево, явльшая образ Свой чудно; радуйся, Благословенная, в явлении образа Своего милосердие нам являющая. Радуйся, о всех чтущих Сына Твоего промышляющая; радуйся, всем просящим у Тебе дары, в меру веры, ко спасению подающая. Радуйся, путь истины заблуждшим показующая; радуйся, к Горнему миру чудесы твоими ум наш возводящая. Радуйся, смущения помышлений сумнительных удаляющая; радуйся, славящих Тя всегда прославляющая. Радуйся, чистотою Твоею чистоте нас научающая; Радуйся, чистотою Твоею нечистоту нашу обличающая. Радуйся, моления наша приемлющая; радуйся, рыданий и слез неотметающая. Радуйся, Мати Божия, Предстательнице и Заступнице наша усердная.

Силу Божию благочестивый князь познав в восхождении образа чуднаго Твоего, Богомати, в явлении же видев милосердие Твое ко всем, спасение хотящим получити, рече: Аллилуиа.

Имев помысл стяжати даруемое Небесное сокровище, Лик Твой светлый, Богомати, второе простре державный руку к образу низшедшему: узрев же паки его восхождение, скоро пойде во град и поведа о бывших ему Освященному Собору, да пришедше и видяще иконы Твоея явление возопиют с ним вернии: Радуйся, Царице Небесе и земли; радуйся, Престоле Царя царствующих. Радуйся, Пренепорочная Дево; радуйся. Мати Непреступнаго Света. Радуйся, Честнейшая Херувим; радуйся, Славнейшая без сравнения Серафим. Радуйся, Небесными Силами величаемая; радуйся, от всех земнородных ублажаемая. Радуйся, неизреченное веселие Ангелов; радуйся венче царственный всех пророков и апостолов. Радуйся, православия Христовы Церкве ограждение; радуйся, всех суемудрых учений и ересей низложение. Радуйся, Мати Божия, Предстательнице и Заступнице наша усердная.

Бурю внутрь имея помышлений недоуменных, Освященный Собор со псалмы и песньми духовными абие притече видети образ Твой Неискусобрачная. Узрев же его на древе дивно стояща и благолепно красотою сияюща, рече: Аллилуиа.

Слышаша людие честныя иконы Твоея, Богоотроковице, пришествие, и ко оной текше покланяхуся, аки Самей Тебе сущей, и со умилением и слезами вопияху к Тебе: радуйся, Дево, благословенная. в женах, во чреве Твоем Носителя всяческих носившая; радуйся, рождением Сына Твоего спасение миру всему явльшая. Радуйся, человеки с Богом соединившая; радуйся, Превышшая Небес, избавльшая нас от клятвы. Радуйся, нас к Вечней Жизни руководящая; радуйся, Владычице мира. Радуйся, Божие к смертным благоволение; радуйся, смертных к Богу дерзновение. Радуйся, благих во благости соблюдающая; радуйся, лукавых на путь благий обращающая. Радуйся, под сень крова Твоего прибегающих милующая; радуйся, уповающим на Тя вся потребная к животу и благочестию дарующая. Радуйся, Мати Божия, Предстательнице и Заступнице наша усердная.

Яко Боготечную звезду узреша людие икону Твою, Безневестная Дево, и яко многосветлый светильник поставиша ю во святем соборнем храме, радующеся и вопиюще Богу: Аллилуиа.

Видевше жителие града Городца образ Твой, Владычице, во храме града Костромы стоящий, и на руку Твоею держима Богомладенца Иисуса, скорбию одержими беша: зане отшествие его бысть из града их. Мы же, обрадовани благоволением Твоим ко граду нашему, приносим Ти дары, и с любовию лобызающе Твой святый образ, вопием Ти: Радуйся, Звездо, Солнце Правды нам явльшая; радуйся, возлюбившая сию страну. Радуйся, обретение Тебе ищущих; радуйся, радостию неизреченною верных сердца исполняющая. Радуйся, сокровище благодати неистощимое; радуйся, милости приснотекущий источниче. Радуйся, от тяжких бед спасающая; радуйся, от смерто-носныя язвы избавляющая. Радуйся, всего мира Ходатаице; радуйся, всех недугующих Целительнице. Радуйся, красото несравненная; радуйся, доброто несказанная. Радуйся, Мати Божия, Предстательнице и Заступнице наша усердная.

Проповедницы богоноснии быша видевшии образ Твой, Богородице. Возвращся бо кийждо во страну свою, возвещаше о пришествии его и чудесех от него бываемых, воспевая Богу: Аллилуиа.

Возсиявша благодать от чуднаго образа Твоего, Чистая, веру немощствующих утверди, верных же возвесели сердца любовию. Сего ради радующеся вопием Ти: Радуйся, Пресвятая Дево, светом Небесныя истины нас озаряющая; радуйся, мглу греховную от нас отгоняющая. Радуйся, чудесы Твоими к Боговедению нас приводящая; радуйся, всех кающихся грешник ко благочестию подвизающая. Радуйся, всех притекающих к Тебе крепкое заступление; радуйся, немощствующих умом утверждение. Радуйся, изнемогающих в вере возставляющая; радуйся, тихое пристанище в море житейстем обуреваемым. Радуйся, злыя советы сынов погибельных открывающая; радуйся, вознесенную гордыню врагов отечества нашего смиряющая. Радуйся, православных царей Державо; радуйся, всех христиан Похвало. Радуйся, Мати Божия, Предстательнице и Заступнице наша усердная.

Хотя прославити Сын Твой, Богородице, святую икону Твою во граде Костроме, повеле ю в день Успения Твоего святому великомученику Феодору Стратилату носити по граду сему, да вси видяще чудо сие благодарным сердцем возопиют Ему: Аллилуиа.

Чудо новое яви нам Господь мольбами Твоими, Богородице, егда сгоревшу храму, в немже бе поставлен святый образ Твой, сохрани его в пепле невредима от огня, и тако мневших сгоревша его печаль в радость преложи. Мы же, чудо сие ведяще, воспеваем Ти таковая: Радуйся, Купино Неопалимая; радуйся, огненный Столпе, сущия во тьме наставляяй. Радуйся, Животе, Духом позлащенный, невместимаго Бога вместивший; радуйся, кадильнице златая, яко фимиам благоуханный, молитвы Твоя за ны к Богу Сыну присно возносящая. Радуйся, Жезле Ааронов к явлению в мир Сына Твоего прозябший; радуйся, Руно Гедеоново, благодатию Божиею во спасение наше орошенное. Радуйся, Горо несекомая, от Неяже отсечеся краеугольный Камень Христос; радуйся, Храме одушевленный, в немже вселися Божество телесне. Радуйся, девства охранение; радуйся, супружества благословение. Радуйся, паче всех Господа возлюбившая; радуйся, паче всех от Него превознесенная. Радуйся, Мати Божия, Предстательнице и Заступнице наша усердная.

Странное чудо видевше, на воздусе икону Богоматери стоящу, аки руками Ангельскими держиму, егда второе сгоре храм, в немже стоявше явленная сия икона, отвержемся, людие, мира сего, ум на Небеса преложше: сего бо ради и дадеся нам чудная икона Богородицы, да взирающе на ню горняя мудрствуем, а не земная, вопиюще к Богу: Аллилуиа.

В Вышних пребывающи Селениих, и нижних не разлучилася еси, Богородице, чудесы Твоими всех просвещающи приходящих к Тебе верою: сего ради и слышиши от нас сия: Радуйся, Мати Христа Бога нашего, на Небеси пребывающая; радуйся, на земли нас не оставляющая. Радуйся, ради величества Твоего на Небеси Ангелы окруженная; радуйся, ради славы Твоея на земли от человек прославляемая. Радуйся, Тебе бо служат вся Небесныя Силы; радуйся, Тебе бо, по Бозе, хваление возносят Херувими и Серафими. Радуйся, лице Божие выну на Небеси созерцающая; радуйся, пред престолом Сына Твоего Матерния руце Твои за ны молящися простирающая. Радуйся, нас сущих на земли от всякаго зла омофором Твоим покрывающая; радуйся, верных от всяких душепагубных дел удаляющая. Радуйся, рождением Сына Божия двери Царства Христова нам отверзшая; радуйся, надеждою прияти небесных благ верных души услаждающая. Радуйся, Мати Божия, Предстательнице и Заступнице наша усердная.

Всякое естество Ангельское превозносит Тя, Дево, великия ради любве Твоея к роду христианскому: незрима бо и неприступна, яко Мати Бога от земли к Небеси возшедшая, Пречистым Твоим образом зриму и приступну Себе являеши всем воспевающим Сыну Твоему: Аллилуиа.

Ветия многовещанныя, яко рыбы безгласны зрим о Тебе, Богородице: недоумевают бо глаголати о славных чудесех, от явления Твоея иконы бываемых. Мы же онем дивящеся благодарно вопием Ти: Радуйся, слепых прозрение; радуйся, хромых хождение. Радуйся, от темных и лукавых духов исцеляющая; радуйся, лучами от Твоего Пречистого образа изшедшими врагов земли нашея отгнавшая. Радуйся, больным видение Твое даровавшая; радуйся, молящимся явленней иконе Твоей исцеление подающая. Радуйся, расслабленных от одра болезни воздвигающая; радуйся, немым разрешающая уста. Радуйся, от плена вражия возвращающая; радуйся, лютыя плоти страсти утоляющая. Радуйся, души верных неизреченным милосердием Твоим умиляющая; радуйся, неизглаголанным Твоим человеколюбием унывающих ободряющая. Радуйся, Мати Божия, Предстательнице и Заступнице наша усердная.

Соблюсти хотящи в чистоте домостроительство Церкве Православныя, Чистая, и утвердити скипетр державы Российские чудною иконою твоею вложила еси в сердце благовернаго государя Михаила Феодоровича прияти венец царский земли Российския, да вси видящии видят, яко Вышний владеет царством, и емуже хощет дает е, и возопиют Ему: Аллилуиа.

Стена еси необоримая, Богородице Дево, всем к Тебе прибегающим: никтоже бо притекайя к Тебе тощь отходит. Сего ради ущедряеми милостию Твоею, во умилении души возглашаем Тебе: Радуйся, твердая стено, от враг видимых и невидимых охраняющая; радуйся, крепкая защите упование на тя возложившим. Радуйся, познания истины чистое зерцало; радуйся, сохранения веры крепкое забрало. Радуйся, грады и страны христианския предстательством Твоим от врагов спасающая; радуйся, царем благоверным поборающая. Радуйся, мир в градех селящая; радуйся, благонравным благопоспешающая. Радуйся, силою молитв Твоих злыя помыслы в ничтоже обращающая; радуйся, силы врагов ближняго сокрушающая. Радуйся, юности наставление; радуйся, старости поддержание. Радуйся, Мати Божия, Предстательнице и Заступнице наша усердная.

Пение всякое побеждается спростретися тщащееся множеству многих щедрот Твоих: равночисленныя бо песку морскому песни аще приносим Ти, Богородице Дево, ничтоже совершаем достойно, яже даровала еси нам вопиющим к Богу: Аллилуиа.

Светоприемную свещу, древле явльшуюся, зрим во святей иконе Твоей, Богородице Дево, егда град наш защитила еси от разорения врагов земли нашея лучами, от святая твоея иконы исходящими. Сего ради с верою припадающе к ней и с любовию лобызающе ю, вопием Ти: Радуйся, Мати, Превечнаго Света Христа, учением Его души просвещающая; радуйся, благодатию Божиею неверующих к вере в Бога приводящая. Радуйся, путешествующим спутешествующая; радуйся, нуждно плавающих Кормчая. Радуйся, от всякия скорби, гнева и нужды спасающая; радуйся, от глада, губительства, труса и огня сохраняющая. Радуйся, избавляющая от иноплеменных; радуйся, охраняющая от междоусобныя брани. Радуйся, в святей иконе Твоей яко солнце в костромских пределах возсиявшая; радуйся, зде отрасль царственную возвеличившая. Радуйся, Тобою бо утверждаются царства; радуйся, Тобою бо венчаются царие. Радуйся, Мати Божия, Предстательнице и Заступнице наша усердная.

Благодать приявшая от Бога Сына Твоего, Дево Богородице, и ту древле излиявшая на всех прибегающих к образу Твоему, не лиши ныне и нас богатыя Твоея милости, даруй нам покаяние о гресех, да чистым сердцем и устны взываем к возлюбленному Сыну Твоему и Богу нашему: Аллилуиа.

Поюще Твоя милости и чудеса, хвалим Тя вси, Богородице, и яко древлий Израиль к Кивоту Завета притекаем ко образу лица Твоего, и из глубины души вопием: воздвигни руце Твоя к Сыну Твоему, да подаст нам вся благая и спасительная с верою и любовию вопиющим Ти: Радуйся, утешение наше в скорбех; радуйся, утоление печалей наших. Радуйся, радосте наша бесконечная; радуйся, светлосте и отрадо сердечная. Радуйся, надеждо наша крепкая; радуйся, сирым приятелище. Радуйся, странным прибежище; радуйся, обидимым покровительнице. Радуйся, оклеветаемых оправдание; радуйся, благих защищение. Радуйся, тела моего врачевание; радуйся, души моея спасение. Радуйся, Мати Божия, Предстательнице и Заступнице наша усердная.

О Премилосердая Заступнице наша, великия ради милости Твоея даровавшая отечеству и граду нашему чудотворную икону Твою во освящение, утешение и ограждение наше, нынешнее приемши славословие, от всякаго злаго обстояния избави нас, рабы Твоя, даруя нам здравие и спасение, на враги победу и одоление, и всех нас вечных мук свободи, устнами, душею же и сердцем вопиющих: Аллилуиа.

(Этот кондак читается трижды, затем икос 1 и кондак 1)

Похожие православные молитвы, праздники, угодники Божии, чудотворные иконы:


Икона Богородицы «ФЕОДОРОВСКАЯ» описание, молитвы и акафист к ней

Икона Богородицы «ФЕОДОРОВСКАЯ»

27 марта (14 марта по старому стилю) и 29 (16) августа

Описание иконы Богоматери Феодоровская:

По преданию, Феодоровская икона Божией Матери написана святым евангелистом Лукой. Кем и когда она принесена в Россию – неизвестно, но уже в XII веке икона находилась в часовне недалеко от города Городца и считалась чудотворною. В 1164 году псковским князем Георгием Всеволодовичем на месте часовни был устроен монастырь, названный Городецким. В нашествие Батыя обитель сгорела. Все думали, что в огне погибла и икона.

В 1239 году, 16 августа, в день праздника Нерукотворенного Образа Господа Иисуса Христа костромской князь Василий Юрьевич во время охоты увидел на сосне икону. Когда он попытался взять её в руки, икона поднялась в воздух. Поражённый этим чудом, князь пригласил духовенство и народ. После всеобщей молитвы икону сняли с дерева и отнесли в главный собор Костромы.

А накануне жители города видели, как по городу с иконой в руках прошёл какой-то воин в богатой одежде, очень схожий со святым великомучеником Феодором Стратилатом, в честь которого в Костроме был построен собор. Поэтому явленную икону Божьей Матери и назвали Феодоровской.

Среди людей, пришедших поклониться обретенной иконе Богородицы Феодоровская, были и люди из опустошённого татарами Городца, которые тотчас признали, что обретенная икона и есть та, которая несколько лет стояла в городецкой часовне.

С Феодоровской иконой Божией Матери связано избрание на царство Михаила Феодоровича Романова в 1613 году. Костромское духовенство с Феодоровским образом вышло встречать московское посольство, шедшее просить молодого Михаила Романова на царство, и все вместе они отправились в Ипатьевский монастырь, где юный Михаил жил с матерью – старицей Марфой. Старица вручила сына покровительству Божией Матери перед Феодоровской Её иконой.

С тех пор Феодоровская икона Пресвятой Богородицы стала особо почитаться императорским Домом Романовых, а все иностранные принцессы, которых брали в жёны русские императоры и великие князья, получали после крещения отчество Феодоровна.

Дважды Костромской собор пережил пожар, и оба раза икона оказывалась невредимой. После этих пожаров князь Василий решил построить для иконы Богоматери Феодоровская особый храм – Успенский собор с приделом во имя великомученика Феодора Стратилата. Алтарём он был обращён не на восток, а на север – к месту обретения иконы. Феодоровская икона пребывала в этом соборе, ставшем в 1835 году кафедральным, до 1929 года. После всевозможных перемещений из храма в храм, связанных с «историческими изменениями» в стране, 18 августа 1991 года икона была перенесена в кафедральный Богоявленский собор Костромской епархии, где и пребывает до настоящего времени.


Православный акафист Божьей Матери Феодоровской

Феодоровская икона Богородицы — православная святыня, которая стала известна начиная с двенадцатого века. В то время она находилась в часовне около старинного города Городца. Эта чудотворный икона оставалась главной святыней города до 1239 года, а после монголо-татарские орды захватили и сожгли Городец. Православная икона пропала из обители, но была чудеснейшим образом возвращена снова. Эта веками намоленная древнейшая святыня оказывает помощь страждущим и избавляет от недугов.

Федоровская икона наделена чудотворной благодатью Божьей Матери и с давних пор почитается в православном народе как та, которая покровительствует благополучию семьи, рождению и воспитанию чад. По благословению Девы Марии она помогает в трудных родах, а женщинам находящимся в положении рекомендуется читать хвалебный акафист Феодоровской иконе Божьей Матери .

Феодоровская икона Богородицы всегда находилась в церковных стенах, а молитва перед ней никогда не прекращалась. В годы ужасных гонений на Православную Церковь был разрушен кафедральный Успенский собор  и икону поместили в храм Свт. Иоанна Златоуста, а после перенесли в собор Воскресения Христова, что на Дебре. Только в 1991 году икона была перенесена в Богоявленско-Анастасиин собор, который в то время был возвращен православной церкви. Дни празднования иконы отмечаются два раза в году – 14 марта ( 27 новый календарь ) и 16 августа ( 29 новый календарь). В эти дни принято читать акафист Божьей Матери Феодоровской

Зачем читать акафист Феодорковской иконе Божьей Матери

Акафист Феодорковской иконе Божьей Матери является хвалебным песнопением, которое прославляет, как саму икону, так и пресвятую Богородицу. Акафист является жанром церковного хорового песнопения и в значении своем схож с гимном. Читают его стоя, чтобы выразить почтение Господу, Богоматери или Святому Мученику. Не имеет значение, что вас вдохновило на чтение акафиста Феодоровской Божией Матери, а важно здесь то, чтобы вы имели веру и были искренне настроены. Вера является основой любой молитвы. Если вы будете возносить молитву не имея веры, то ответ на нее может просто не  последовать. Евангелие от Матфея гласит: По вере вашей да будет вам (9:18-34).

Настоящий текст акафиста пресвятой Богородице Феодоровской

Кондак №1

Взбранней Воеводе, Пренепорочней Деве Богородице, Заступнице нашей и предстательству христиан непостыдному, явлением чудныя иконы Своея радование подавшей земле Русской и вся верныя чада Церкве просветившей, благодарение усердно приносим Ти, Богородице, и припадающе пречудному образу Твоему умильно глаголем: спаси, Госпоже, и помилуй рабы Твоя зовущия: Радуйся, Мати Божия, Предстательнице и Заступнице наша усердная.

Икос №1

Архангел Гавриил от Бога послан бысть во град Назарет ко Пречистей Деве Марии, и вшед к Ней рече: «Радуйся, Благодатная, Господь с Тобою, благословенна Ты в женах». Ангельскому гласу подражающе, и мы, грешнии, радости и благодарения в сердцы своем исполнени, пред явленным образом Твоим благохваления наша возносити к Тебе дерзаем, Пресвятая Богородице:

Радуйся, отрасле от корене Давидова благословенная.

Радуйся, обетом родителей в жертву Богу принесенная.

Радуйся, святых праведных Иоакима и Анны Дщи Богоданная.

Радуйся, триех лет во храм Божий введенная и тамо воспитанная.

Радуйся, тамо смирением и чистотою всех удивившая.

Радуйся, тамо Ангельския беседы сподобльшаяся.

Радуйся, Дево, о зачатии Бога Слова благовестие во смирении приимшая.

Радуйся, избранная Отроковице, к зачатию Бога Слова силою свыше осененная.

Радуйся, тайну воплощения Сына Божия, от веков в Бозе сокровенную, открывшая.

Радуйся, Агнице, рождшая Агнца Христа, вземшаго грехи мира.

Радуйся, Тобою бо избавляемся мук адовых.

Радуйся, Тобою бо сподобляемся вечныя жизни.

Радуйся, Мати Божия, Предстательнице и Заступнице наша усердная.

Кондак №2

Видя икону Твою, Пресвятая Дево, на древе стоящу, князь благочестивый костромский ужасом многим содрогашеся недоумея, что бысть видение сие. Хотящу же ему прияти ю и от сего свыше удержану ему бывшу, не можаше: уведев, яко чудно есть иконы тоя явление, воззва к Богу: Аллилуиа.

Икос №2

Разумом желая разумети князь благочестивый пришествие пречудного Твоего образа во град Кострому, Богородице, душею радования преисполненною себе предаде водительству Божию, и преклонь колена, со страхом вопияше Тебе:

Радуйся, Дево, явльшая образ Свой чудно.

Радуйся, Благословенная, в явлении образа Своего милосердие нам являющая.

Радуйся, о всех чтущих Сына Твоего промышляющая.

Радуйся, всем просящим у Тебе дары, в меру веры, ко спасению подающая.

Радуйся, путь истины заблуждшим показующая.

Радуйся, к горнему миру чудесы Твоими ум наш возводящая.

Радуйся, смущения помышлений сумнительных удаляющая.

Радуйся, славящих Тя всегда прославляющая.

Радуйся, чистотою Твоею чистоте нас научающая.

Радуйся, чистотою Твоею нечистоту нашу обличающая.

Радуйся, моления наша приемлющая.

Радуйся, рыданий и слез неотметающая.

Радуйся, Мати Божия, Предстательнице и Заступнице наша усердная.

Кондак №3

Силу Божию благочестивый князь познав в восхождении образа чуднаго Твоего, Богомати, в явлении же видев милосердие Твое ко всем, спасение хотящим получити, рече: Аллилуиа.

Икос №3

Имев помысл стяжати даруемое небесное сокровище, Лик Твой светлый, Богомати, второе простре державный руку к образу низшедшему: узрев же паки его восхождение, скоро пойде во град и поведа о бывших ему освященному собору, да пришедше и видяще иконы Твоея явление возопиют с ним вернии:

Радуйся, Царице небесе и земли.

Радуйся, престоле Царя царствующих.

Радуйся, Пренепорочная Дево.

Радуйся, Мати Непреступнаго Света.

Радуйся, честнейшая Херувим.

Радуйся, славнейшая без сравнения Серафим.

Радуйся, Небесными Силами величаемая.

Радуйся, от всех земнородных ублажаемая.

Радуйся, неизреченное веселие Ангелов.

Радуйся, всех суемудрых учений и ересей низложение.

Радуйся, Мати Божия, Предстательнице и Заступнице наша усердная.

Кондак №4

Бурю внутрь имея помышлений недоуменных, освященный собор со псалмы и песньми духовными абие притече видети образ Твой, Неискусобрачная. Узрев же его на древе дивно стояща и благолепно красотою сияюща, рече: Аллилуиа.

Икос №4

Слышаша людие честныя иконы Твоея, Богоотроковице, пришествие, и ко оной текше покланяхуся, аки Самей Тебе сущей, и со умилением и слезами вопияху к Тебе:

Радуйся, Дево, Благословенная в женах, во чреве Твоем Носителя всяческих носившая.

Радуйся, рождением Сына Твоего спасение миру всему явльшая.

Радуйся, человеки с Богом соединившая.

Радуйся, превышшая небес, избавльшая нас от клятвы.

Радуйся, нас к вечней жизни руководящая.

Радуйся, смертных к Богу дерзновение.

Радуйся, благих во благости соблюдающая.

Радуйся, уповающим на Тя вся потребная к животу и благочестию дарующая.

Радуйся, Мати Божия, Предстательнице и Заступнице наша усердная.

Кондак №5

Яко Боготечную звезду узреша людие икону Твою, Безневестная Дево, и яко многосветлый светильник поставиша ю во святем соборнем храме, радующеся и вопиюще Богу: Аллилуиа.

Икос №5

Видевше жителие града Городца образ Твой, Владычице, во храме града Костромы стоящий, и на руку Твоею держима Богомладенца Иисуса, скорбию одержими беша: зане отшествие его бысть из града их. Мы же, обрадовани благоволением Твоим ко граду нашему, приносим Ти дары, и с любовию лобызающе Твой святый образ, вопием Ти:

Радуйся, Звездо, Солнце Правды нам явльшая.

Радуйся, возлюбившая сию страну.

Радуйся, обретение Тебе ищущих.

Радуйся, радостию неизреченною верных сердца исполняющая.

Радуйся, сокровище благодати неистощимое.

Радуйся, от смертоносныя язвы избавляющая.

Радуйся, всего мира Ходатаице.

Радуйся, доброто несказанная.

Радуйся, Мати Божия, Предстательнице и Заступнице наша усердная.

Кондак №6

Проповедницы Богоноснии быша видевшии образ Твой, Богородице, возвращся бо кийждо во страну свою, возвещаше о пришествии его и чудесех от него бываемых, воспевая Богу: Аллилуиа.

Икос №6

Возсиявша благодать от чуднаго образа Твоего, Чистая, веру немощствующих утверди, верных же возвесели сердца любовию. Сего ради, радующеся, вопием Ти:

Радуйся, Пресвятая Дево, светом небесныя истины нас озаряющая.

Радуйся, мглу греховную от нас отгоняющая.

Радуйся, чудесы Твоими к боговедению нас приводящая.

Радуйся, всех кающихся грешников ко благочестию подвизающая.

Радуйся, всех притекающих к Тебе крепкое заступление.

Радуйся, тихое пристанище в море житейстем обуреваемым.

Радуйся, злыя советы сынов погибельных открывающая.

Радуйся, всех христиан похвало.

Радуйся, Мати Божия, Предстательнице и Заступнице наша усердная.

Кондак №7

Хотя прославити Сын Твой, Богородице, святую икону Твою во граде Костроме, повеле ю в день Успения Твоего святому великомученику Феодору Стратилату носити по граду сему, да вси видяще чудо сие благодарным сердцем возопиют Ему: Аллилуиа.

Икос №7

Чудо новое яви нам Господь мольбами Твоими, Богородице, егда сгоревшу храму, в немже бе поставлен святый образ Твой, сохрани его в пепле невредима от огня, и тако мневших сгоревша его печаль в радость преложи. Мы же, чудо сие ведяще, воспеваем Ти таковая:

Радуйся, Купино Неопалимая.

Радуйся, огненный столпе, сущия во тьме наставляяй.

Радуйся, кивоте Духом позлащенный, Невместимаго Бога вместивший.

Радуйся, кадильнице златая, яко фимиам благоуханный, молитвы Твоя за ны к Богу Сыну присно возносящая.

Радуйся, жезле Ааронов к явлению в мир Сына Твоего прозябший.

Радуйся, руно Гедеоново, благодатию Божиею во спасение наше орошенное.

Радуйся, горо несекомая, от Неяже отсечеся краеугольный камень Христос.

Радуйся, храме одушевленный, в немже вселися Божество телесне.

Радуйся, девства охранение.

Радуйся, супружества благословение.

Радуйся, паче всех Господа возлюбившая.

Радуйся, паче всех от Него превознесенная.

Радуйся, Мати Божия, Предстательнице и Заступнице наша усердная.

Кондак №8

Странное чудо видевше, на воздусе икону Богоматери стоящу, аки руками ангельскими держиму, егда второе сгоре храм, в немже стояше явленная сия икона, отвержемся, людие, мира сего, ум на небеса преложше: сего бо ради и дадеся нам чудная икона Богородицы, да взирающе на ню горняя мудрствуем, а не земная, вопиюще к Богу: Аллилуиа.

Икос №8

В вышних пребывающи селениих, и нижних не разлучилася еси, Богородице, чудесы Твоими всех просвещающи приходящих к Тебе верою. Сего ради и слышиши от нас сия:

Радуйся, Мати Христа Бога нашего, на небеси пребывающая.

Радуйся, на земли нас не оставляющая.

Радуйся, ради величества Твоего на небеси Ангелы окруженная.

Радуйся, ради славы Твоея на земли от человек прославляемая.

Радуйся, Тебе бо служат вся Небесныя Силы.

Радуйся, пред Престолом Сына Твоего матерния руце Твои за ны молящися простирающая.

Радуйся, нас, сущих на земли, от всякаго зла омофором Твоим покрывающая.

Радуйся, надеждою приятия небесных благ верных души услаждающая.

Радуйся, Мати Божия, Предстательнице и Заступнице наша усердная.

Кондак №9

Всякое естество Ангельское превозносит Тя, Дево, великия ради любве Твоея к роду христианскому: незрима бо и неприступна, яко Мати Бога от земли к небеси возшедшая, пречистым Твоим образом зриму и приступну Себе являеши всем воспевающим Сыну Твоему: Аллилуиа.

Икос №9

Ветия многовещанныя, яко рыбы безгласны зрим о Тебе, Богородице: недоумеют бо глаголати о славных чудесех, от явления Твоея иконы бываемых. Мы же, оным дивящеся, благодарно вопием Ти:

Радуйся, слепых прозрение. Радуйся, хромых хождение.

Радуйся, от темных и лукавых духов исцеляющая.

Радуйся, лучами от Твоего пречистого образа изшедшими врагов земли нашея отгнавшая.

Радуйся, больным видение Твое даровавшая.

Радуйся, молящимся явленней иконе Твоей исцеление подающая.

Радуйся, расслабленных от одра болезни воздвигающая.

Радуйся, немым разрешающая уста. Радуйся, от плена вражия возвращающая.

Радуйся, лютыя плоти страсти утоляющая.

Радуйся, души верных неизреченным милосердием Твоим умиляющая.

Радуйся, неизглаголанным Твоим человеколюбием унывающих ободряющая.

Радуйся, Мати Божия, Предстательнице и Заступнице наша усердная.

Кондак №10

Соблюсти хотящи в чистоте домостроительство Церкве Православныя, Чистая, и утвердити скипетр державы Российския чудною иконою Твоею вложила еси в сердце благовернаго государя Михаила Феодоровича прияти венец царский земли Российския, да вси видящии видят, яко Вышний владеет царством, и емуже хощет дает е, и возопиют Ему: Аллилуиа.

Икос №10

Стена еси необоримая, Богородице Дево, всем к Тебе прибегающим: никтоже бо притекаяй к Тебе тощь отходит. Сего ради ущедряеми милостию Твоею, во умилении души возглашаем Тебе:

Радуйся, твердая стено, от враг видимых и невидимых охраняющая.

Радуйся, крепкая защито упование на Тя возложившим.

Радуйся, познания истины чистое зерцало.

Радуйся, сохранения веры крепкое забрало.

Радуйся, грады и страны христианския предстательством Твоим от врагов спасающая.

Радуйся, благонравным благопоспешающая.

Радуйся, силою молитв Твоих злыя помыслы в ничтоже обращающая.

Радуйся, старости поддержание.

Радуйся, Мати Божия, Предстательнице и Заступнице наша усердная.

Кондак №11

Пение всякое побеждается спростретися тщащееся множеству многих щедрот Твоих: равночисленныя бо песку морскому песни аще приносим Ти, Богородице Дево, ничтоже совершаем достойно, яже даровала еси нам, вопиющим к Богу: Аллилуиа.

Икос №11

Светоприемную свещу, древле явльшуюся, зрим во святей иконе Твоей, Богородице Дево, егда град Кострому защитила еси от разорения врагов земли нашея лучами от святыя Твоея иконы исходящими. Сего ради с верою припадающе к ней и с любовию лобызающе ю, вопием Ти:

Радуйся, Мати Превечнаго Света Христа, учением Его души просвещающая.

Радуйся, благодатию Божиею неверующих к вере в Бога приводящая.

Радуйся, путешествующим спутешествующая.

Радуйся, нуждно плавающих Кормчая.

Радуйся, от всякия скорби, гнева и нужды спасающая.

Радуйся, охраняющая от междоусобныя брани.

Радуйся, в святей иконе Твоей яко солнце в костромских пределах возсиявшая.

Радуйся, Тобою бо венчаются царие.

Радуйся, Мати Божия, Предстательнице и Заступнице наша усердная.

Кондак №12

Благодать приявшая от Бога Сына Твоего, Дево Богородице, и ту древле излиявшая на всех прибегающих к образу Твоему, не лиши ныне и нас богатыя Твоея милости, даруй нам покаяние о гресех, да чистым сердцем и устны взываем к возлюбленному Сыну Твоему и Богу нашему: Аллилуиа.

Икос №12

Поюще Твоя милости и чудеса, хвалим Тя вси, Богородице, и яко древлий Израиль к кивоту Завета притекаем ко образу лица Твоего, и из глубины души вопием: воздвигни руце Твоя к Сыну Твоему, да подаст нам вся благая и спасительная с верою и любовию вопиющим Ти:

Радуйся, утешение наше в скорбех.

Радуйся, утоление печалей наших.

Радуйся, радосте наша бесконечная.

Радуйся, светлосте и отрадо сердечная.

Радуйся, надеждо наша крепкая.

Радуйся, странным прибежище.

Радуйся, обидимым Покровительнице.

Радуйся, оклеветаемых оправдание.

Радуйся, благих защищение.


Феодоровская-Костромская

Феодоровская-Костромская икона Божией Матери.

Феодоровская икона Божией Матери. Галерея икон.

По преданию, Феодоровская икона Божией Матери написана святым евангелистом Лукой. Кем и когда она принесена в Россию – неизвестно, но уже в XII веке икона находилась в часовне недалеко от города Городца и считалась чудотворною. В 1164 году псковским князем Георгием Всеволодовичем на месте часовни был устроен монастырь, названный Городецким. В нашествие Батыя обитель сгорела. Все думали, что в огне погибла и икона.

Феодоровская икона Божией Матери. Галерея икон.

В 1239 году, 16 августа, в день праздника Нерукотворенного Образа Господа Иисуса Христа, костромской князь Василий Юрьевич во время охоты увидел на сосне икону. Когда он попытался взять её в руки, икона поднялась в воздух. Поражённый этим чудом, князь пригласил духовенство и народ. После всеобщей молитвы икону сняли с дерева и отнесли в главный собор Костромы .

«Феодоровская» икона Божией Матери. Феодоровский собор Богородице-Рождественского Бобренева монастыря.

А накануне жители города видели, как по городу с иконой в руках прошёл какой-то воин в богатой одежде, очень схожий со святым великомучеником Феодором Стратилатом, в честь которого в Костроме был построен собор. Поэтому явленную икону и назвали Феодоровской.

Среди людей, пришедших поклониться обретенной иконе, были и люди из опустошённого татарами Городца, которые тотчас признали, что обретенная икона и есть та, которая несколько лет стояла в городецкой часовне.

С Феодоровской иконой Божией Матери связано избрание на царство Михаила Феодоровича Романова в 1613 году. Костромское духовенство с Феодоровским образом вышло встречать московское посольство, шедшее просить молодого Михаила Романова на царство, и все вместе они отправились в Ипатьевский монастырь, где юный Михаил жил с матерью – старицей Марфой. Старица вручила сына покровительству Божией Матери перед Феодоровской Её иконой.

С тех пор Феодоровская икона Пресвятой Богородицы стала особо почитаться императорским Домом Романовых, а все иностранные принцессы, которых брали в жёны русские императоры и великие князья, получали после крещения отчество Феодоровна.

Дважды Костромской собор пережил пожар, и оба раза икона оказывалась невредимой. После этих пожаров князь Василий решил построить для иконы особый храм – Успенский собор с приделом во имя великомученика Феодора Стратилата. Алтарём он был обращён не на восток, а на север – к месту обретения иконы. Феодоровская икона пребывала в этом соборе, ставшем в 1835 году кафедральным, до 1929 года. После всевозможных перемещений из храма в храм, связанных с «историческими изменениями» в стране, 18 августа 1991 года икона была перенесена в кафедральный Богоявленский собор Костромской епархии, где и пребывает до настоящего времени.

Дни празднования: 27 марта (14 марта по старому стилю) и 29 (16) августа.

Еще об Феодоровской иконе

Феодоровская-Костромская икона Божией Матери - одна из самых древних русских чудотворных икон Богоматери, сохранившаяся до наших дней. Была создана, вероятно, в 1239 по заказу великого владимирского князя Ярослава Всеволодовича (в крещении — Феодора) к свадьбе его сына Александра Невского. Является списком-репликой чудотворной Владимирской иконы. Отличительная особенность Феодоровской иконы — обнаженная левая ножка Младенца Христа, сидящего на правой руке Богоматери; на обороте — поясное изображение Параскевы-Пятницы. Во второй половине 13 века Феодоровская икона особо почиталась костромским князем Василием Ярославичем. Сказание о Феодоровской иконе возникло под влиянием сказания о Владимирской Богоматери, в нем соединены народные предания и воспоминания о событиях русской истории. В 1613 благодаря Феодоровской иконе был «умолен» на царство Михаил Федорович Романов; икона стала широко почитаемой общерусской святыней. Известен ряд чтимых списков 17-19 веков. Древняя Феодоровская икона многократно поновлялась и реставрировалась; первоначальная живопись на ликах Богоматери и Христа сильно потерта. Икона хранилась в Костроме: сначала в Успенском соборе, в годы советской власти — в церкви Воскресения на Дебре, в настоящее время в Богоявленско-Анастасиином кафедральном соборе. С Феодоровской иконой совершались ежегодно крестные ходы: в день Святой Троицы — в Ипатьевский монастырь, 16 августа — в Спасо-Запрудненскую церковь на место «обретения» иконы.

Празднование — 14 (27) марта в память прекращения Смуты в 1612 и 16 (29) августа в память явления иконы.


Источники: http://akafist.ru/bogorodica/feodorovskaja/akafist/, http://www.proeveryday.ru/index.php?id=molitva/ugodniki/feodopovckaj1, http://ostrov-pravoslav.io.ua/s426873/ikona_bogorodicy_feodorovskaya_opisanie_molitvy_i_akafist_k_ney, http://www.sudba.info/pravoslavnyj-akafist-bozhej-materi-feodorovskoj/, http://www.vidania.ru/icony/icon_feodorovskaya_kostromskaya.html
Комментариев пока нет!

Поделитесь своим мнением








2017 - Правосланые иконы
акафист феодоровской иконе божией матери