int(1096) икона богородицы экономисса | Богородица | Tsurganov.info




икона богородицы экономисса


Акафист пред иконой

Акафист Пресвятой Богородице в честь иконы, именуемой «Экономисса» или «Афонская»

Кондак 1

Избранней от сложения мира Пресвятей Деве Марии Богородице, яко воистину плотию рождшей Иисуса Христа, Спаса и Бога нашего, Владычице всея вселенныя, зело возлюбившей род преподобных Христа и вземшей под Свой державный покров их святыя обители, похвальная приносим пения. Ты же, о Всечестная наша Мати Игумение, храни и спасай нас от всех врагов видимых и невидимых, да зовем Ти:

Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.

Ангели плотию суще вси преподобнии отцы и матери, юноши и девы, от века просиявшии во святых, православно шествоваху в небесная селения под сиянием Честнаго и Животворящаго Креста Христова на земном поприще, во юдоли плача и скорбей, под державным покровительством Матери Христа Бога нашего, Всечестнейшия Игумении православнаго монашескаго жития, Еяже милостивному заступлению радостно взываем сице:

Радуйся, всечестнейшая наша Мати Игумение; радуйся, надеждо нашего спасения. Радуйся, Святыя Горы Афонския хранительнице; радуйся, тамо живущих иноков спасительнице. Радуйся, веселие и славо Христовых подвижников; радуйся, отрадо Божественная святых пустынников. Радуйся, яко Тобою вси святии спасаются; радуйся, яко вся вселенная Тобою украшается. Радуйся, мира видимаго и невидимаго о Бозе Владычице; радуйся, в селения рая небесная руководительнице. Радуйся, благое начало и славный конец всех святых жития; радуйся, святая радости Божественныя струя.

Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.

Кондак 2

Видящи скорбный путь спасения для всех преподобных Своих, Господь наш Иисус Христос благоволи Матери Своей Всепречистей Деве Богородице, да прострет Она Свой Божественный покров игуменства над всеми святыми обительми Святыя Афонския Горы и всея вселенныя православнаго монашеского спасения, да вси спасающиися в преподобии и святости, верою видяще сие, взывают непрестанно Спасителю Богу: Аллилуия.

Разум имуще божественный, вси преподобнии отцы и матери, от всея души возлюбиша славу небесную, мир же со всеми его прелестьми возненавидевше, ногама попраша, шествоваху в подвизех святых за Христом, в мире жития своего безбедно руководимии своею Приснодевственною небесною Игумениею, Юже верою зряще в лице святых Ея икон, умильно взывают тако:

Радуйся, нашего спасения главизно; радуйся, радосте наша в сей и в будущей жизни. Радуйся, дивная строительнице наших святых обителей; радуйся, экономисса милосердная иноческих общежитий. Радуйся, цвете Божественнаго прозябения; радуйся, радосте всемирнаго воскресения. Радуйся, всех святых божественное веселие; радуйся, православнаго монашества украшение. Радуйся, истинная Мати нашего Спасителя; радуйся, яко плотию родила еси ада Победителя. Радуйся, яко на Афоне духовный сад насадила еси; радуйся, яко тамо в преподобии живущих в рай руководила еси.

Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.

Кондак 3

Сила Вышняго осеняет всех в преподобии и святости и в правде живущих, иже возненавидеша суету мира сего и бежаша во святыя монашеския обители, и тамо во образе ангельском, вземше на ся благое иго Христово, свято подвизающеся, чрез все житие свое взывают непрестанно ко Пресвятой Троице: Аллилуия.

Имуще пламенное желание спасения, и ныне подвиги совершающии во обителех иноческаго жития, в лаврах, монастырех, скитех, киновиях, келлиях и на всяком месте всея вселенныя, имуще дивный щит спасения, божественное игуменство Матери Божией, хвалебно Ей песнопоют:

Радуйся, собирательнице наша среди мира греховнаго; радуйся, строительнице нашего спасения духовнаго. Радуйся, спасшая весь род Адама падшего; радуйся, плотию рождшая неизреченно Спаса и Бога нашего. Радуйся, всечестнейшая монахине, образе спасающимся; радуйся, праведная игумение всех нас, подвизающихся. Радуйся, веры православныя воеводо непобедимая; радуйся, Божественная крепосте всесильная. Радуйся, Мати Господня и наша Благодатная; радуйся, всем святым благоприятная. Радуйся, двере милосердия кающимся; радуйся, упование о Бозе подвизающихся.

Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.

Кондак 4

Бурю сомнений грехолюбивых оставльше отцы преподобныя и матери, возлюбиша тернистый путь спасения, живуще посреде скорбей и лишений, Царствия ради Небеснаго, украсиша своим богоугодным житием премногая места вселенныя, идеже основаша святыя обители иноческаго спасения, в нихже спасающиися присно поют ангельскую песнь Христу Богу нашему: Аллилуия.

Слышавше святыя глаголы Христова Евангелия, избранницы небеснии, вся презреша суетная мира сего, в путь святый поидоша, носяще благое иго Спаса нашего, житием своим во плоти Ангелом святым уподобишася, имуще предивную Игумению над всеми их святыми обителями по всей вселенной, яко звезды небесныя сияющими, к Нейже вопиют всегда:

Радуйся, премудрая Игумение монашества православного; радуйся, спасение народа богоизбраннаго. Радуйся, столпе девства и океане милосердия; радуйся, вечная отрадо райскаго веселия. Радуйся, прибежище кающимся грешником; радуйся, сокровище убогим подвижником. Радуйся, всю вселенную любовию покрывающая; радуйся, славою небесною сатану во ад низвергающая. Радуйся, Божественная радосте Ангелов и человеков; радуйся, яко плач принесла еси демоном во веки. Радуйся, единая надеждо веры православныя; радуйся, Мати Господня и наша Всеславная.

Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.

Кондак 5

Боготечную жизнь праведницы проидоша и Небеснаго Отечества с радостию достигоша и веселятся о Господе со Ангелы святыми во вся веки. Мы же, их собратия и соратницы на поприще спасения, милостию Божиею подвизаемся во святых обителех, поюще хвалебныя песни Богу: Аллилуия.

Видеша избранницы Господни скоропреходящую славу мира сего, яко непостоянно богатство, красота увядает, счастие скоротечно, скорби же, печали и отчаяние, и всякая злоключения – приснии спутницы жизни сея, в конце же смерть телесная всем людем неизбежна, – святою убо верою вечная селения небесная созерцаху и возлюбиша тесный и прискорбный путь монашескаго жития, идеже Пресвятая Богородица Сама о Господе игуменствует, руководящи спасающихся духовных чад Ея, хвалебно к Ней взывающих:

Радуйся, единое спасение душ наших; радуйся, райское утешение всех скорбящих. Радуйся, Святыя Горы Афонския просветительнице; радуйся, всея вселенныя покровительнице. Радуйся, надежное прибежище всем кающимся; радуйся, тихое пристанище от бед спасающимся. Радуйся, лавры Печерския строительнице; радуйся, Почаевския обители защитнице. Радуйся, экономиссо лавры Афанасия Афонскаго; радуйся, книго Христово завета новосионскаго. Радуйся, всех святых во едино собравшая; радуйся, христианом православным путь в рай указавшая.

Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.

Кондак 6

Проповедницы благодатнаго равноангельнаго жития во плоти явишася отцы преподобнии Антоний Великий, Пахомий, Макарий, Феодосий и прочии преподобнии отцы и матери, ихже житию сонми последоваша всех преподобных, наследницы бывше райских обителей со всеми святыми. И мы, им ныне подражающе, во ангельском чине живуще, воспеваем Спасителю мира хвалебныя гласы: Аллилуия.

Возсия образ жития равноангельскаго для всех, ищущих спасения вдали от всех сует мирских, примером Самого Христа и Бога нашего и Его Пречистыя Матере, Приснодевы Марии Богородицы, Предтечи Господня Иоанна и премногих святых угодников, ихже житию подражают вси преподобнии и под державным водительством Владычицы вселенныя, всечестнейшия игумении православных монашеских обителей, Марии Богородицы, хвалимыя от всех святых предивными похвалами сице:

Радуйся, православнаго монашества Мати Игумение; радуйся, их ангельскаго жития вечное спасение. Радуйся, благая наставнице на путь небесныя жизни; радуйся, настоятельнице монашеския отчизны. Радуйся, скорая защито сиротствующих; радуйся, яко подвижником святым венцы всегда готовиши. Радуйся, всех праведников любящая; радуйся, кающихся грешников милующая. Радуйся, яко Твоя любовь Божией любви уподобляется; радуйся, яко всяка тварь Тобою о Господе спасается. Радуйся, радосте божественнаго веселия; радуйся, мира всего покрове и спасение.

Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.

Кондак 7

Хотя скорбный путь к небеси благоустроити, Господь наш Иисус Христос благослови Матери Своей, да игуменствует над всеми православными иноческими обительми по всей вселенней сущими, руководящи в селения небеснаго рая сонмы избранников, ищущих спасения и поющих Избавителю Богу нашему: Аллилуия.

Новую жизнь образом ангельскаго жития показаша отцы преподобнии и матери, зане вся оставльше сладости мира греховнаго, возлюбиша шествовати к Небеси путем Царя Славы Христа Бога нашего, скорбьми и страданьми, и быша мученицы без крове, терпяще вся злая Царствия ради Божия, еже и получиша. И ныне сонми преподобных шествуют таковым путем, водимии Материю Божиею, яко Всечестнейшею Игумениею их преподобнаго жития, превозносимую от них хвалами:

Радуйся, Мати Господа, Судии Всеправеднаго; радуйся, во игумению от века предъизбранная. Радуйся, чистотою телесе всю тварь превозшедшая; радуйся, святостию души Своея Небеса украсившая. Радуйся, благовестие Небеснаго Отечества; радуйся: духовный крине православнаго монашества. Радуйся, усердная молитвеннице о всех православных; радуйся, благая строительнице для святых избранных. Радуйся, тихое пристанище всем странствующим; радуйся, покоище блаженныя старости. Радуйся, Невесто неневестная; радуйся, яко на небеси, такожде на земли и во аде знаемая.

Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.

Кондак 8

Странное житие имуще Христовы избранницы, оставльше телесныя страсти и утехи, возлюбиша путь скорбей и страданий: в пустынях, на островех, в расселинах скал, в дубравах со зверьми пожиша равноангельно, и тамо устроиша Божиею волею святыя обители, в нихже воспеваху чрез все житие свое херувимский ко Господу глас: Аллилуия.

Весь бе Всемогущий Бог во умех и сердцах избранных Своих угодников, по реченному: «Дивен Бог во святых Своих», прославляше святыя Своя, собирая из среды мира греховнаго, водворяя во святыя обители, да хвалится ими святое Имя Его со святыми Ангелы во веки, и Владычица Богородица, Всеблагая Мати Господня, в тех премудро игуменствует, спасающи от бед и скорбей смиренно восхваляющих милости Ея:

Радуйся, Честнейшая всея твари и всея вселенныя; радуйся, сладчайшая, яко Божие селение. Радуйся, святый покрове жизни нашея; радуйся, Божественный источниче сладости сладчайшия. Радуйся, вся наша надеждо спасения и покой; радуйся, по Бозе все наше упование в жизни земной. Радуйся, яко воскресе Сын Твой и Господь; радуйся, яко воскресит Той всяку плоть. Радуйся, Юже воспевают Небесная Воинства; радуйся, хвалимая от всех святых по достоинству. Радуйся, великая радосте моего спасения; радуйся, всего мира Божественное утешение.

Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.

Кондак 9

Всякое мудрование земное презревше, святии угодницы, яко юродиви, Христа ради явишася, бегающе и странствующе на земли, не имуще нигде телеснаго покоя, Царствия ради Небеснаго, еже получиша, и мы, им подражающе житием и подвиги, любовию ко Господу, Егоже и восхваляем, ангельски поем: Аллилуия.

Витии премудрости Господней явишася отцы преподобнии Пахомий Великий, Антоний Великий, Макарий Египетский и всех православных иноков начальницы, просиявшии во святых, ибо своим святым житием равноангельским на земли и словесы спасения спасоша премногия сонмы учеников, истинных рабов Христовых по всей вселенней, волением Пресвятыя Троицы, под державным игуменством Владычицы Богородицы, Юже от всея души всегда хвалиша тако:

Радуйся, державная Владычице вселенныя; радуйся, Игумение нашего спасения. Радуйся, Бога Отцов Дщи вселюбезная; радуйся, яко Матерь Сыну Божию сподобилася еси быти за святость и смирение. Радуйся, Бога Духа Святаго прекрасная палато; радуйся, на небеси и на земли любовию всебогатая. Радуйся, инокине честнейшая Херувим; радуйся, Мати Бога, превысшая Серафим. Радуйся, святых мучеников предивное терпение; радуйся, апостолов Христовых всемудрое учение. Радуйся, всех святых оправдание; радуйся, помоще наша в земных страданиих.

Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.

Кондак 10

Спасти хотя род человеческий, Господь наш Иисус Христос сниде с небесе во юдоль плача и скорбей и Своими страданьми божественнаго жития подаде пример всем святым, желающим достигнути небеснаго вечнаго покоя, в преподобии и правде хвалящим Его ангельскими гласы: Аллилуия.

Стена крепости божественныя явися еси, всечестная наша Мати Игумение, охраняющи, спасающи и покрывающи вся святыя обители иноческия жизни во Святей Горе Афонстей и по всей вселенней, от зари веры христианския и до дне Страшнаго Суда Христова, спасающи божественною милостию преподобныя Своя, присно хвалящия Ея щедроты сими словесы:

Радуйся, Пресвятая Мати Игумение; радуйся, источниче духовнаго воскресения. Радуйся, всю вселенную покрывающая; радуйся, святую Церковь Христову увеселяющая. Радуйся, пророческая славо и венче; радуйся, и моея жизни блаженный конец. Радуйся, яко краснейши неба и сладши рая; радуйся, образе святаго жития. Радуйся, любящая Свой жребий Афон; радуйся, украшающая Иерусалим и Сион. Радуйся, Мати Милосердаго Судии; радуйся, проливающая о мире Своя слезныя струи.

Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.

Кондак 11

Пение всеумиленное приносят вси святии в небесных селениих райских, со святыми Ангелы хваляще и превозносяще Пресвятую Троицу, «Свят, Свят, Свят» вопиюще. И мы, православнии иноцы, верою сие зряще, вопием непрестанно к Богу нашему: Аллилуия.

Светоприимную свещу православнаго жития собори преподобных приемше, со всеми святыми, просиявшими от века, в путь небесный шествоваху, имуще всемогущую о Господе Владычицу, Матерь Еммануилову, яко Игумению их преподобнаго жития, с радостию вопияху к Ней похвалами сице:

Радуйся, собирательнице наша во обители спасения; радуйся, подающая нам образ смирения. Радуйся, Игумение Святыя Афонския Горы; радуйся, настоятельнице всех святых монастырей. Радуйся, монахине, житием всечестная; радуйся, Воеводо, во бранех всесильнейшая. Радуйся, чад церковных хранительнице; радуйся, живых и умерших спасительнице. Радуйся, сиротствующих Мати благодатная; радуйся, в скорби сущих отрадо приятная. Радуйся, спасение православных христиан; радуйся, святых щедрот божественный океан.

Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.

Кондак 12

Благодать подает всегда, Пресладкий Спаситель наш всем рабом Своим, в преподобии и святости подвизающимся на поприще земнаго жития, уже бо сонми святых, прославленных Православною Церковию, в райских селениих воспевают Пресвятую Троицу со всеми Небесными силами, и мы, им подражающе, вопием дивному во святых Богу: Аллилуия.

Поюще вся милости Господни и щедроты, нам, недостойным инокам, присно ниспосылаемыя, и всечестное игуменство над всеми нашими обительми нашея Всеблагодатныя Владычицы Богородицы, радуемся божественне и веселимся, яко сподобихомся спасение совершати во святых обителех, идеже премнози сонми преподобных подвижников достигоша Небеснаго Царствия, егоже и мы святым покровом нашея Небесныя Матере Игумении да достигнем за труды спасения и похвальная сия словеса:

Радуйся, Пресвятая Дево Богородице; радуйся, спасения нашего помощнице. Радуйся, Игумение всех Всещедрая; радуйся, яко в преподобии Ты еси первая. Радуйся, покровом милости весь мир покрывающая; радуйся, сирот странных питающая. Радуйся, юным целомудрия наставнице; радуйся, о всех людех благая печальнице. Радуйся, рода праотца Адама веселие; радуйся, тихое пристанище спасения. Радуйся, всещедрая наша Мати Игумение; радуйся, благое начало и конец нашего песнопения.

Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.

Кондак 13

О Всепетая наша Мати Игумение, Преславная Владычице Богородице! Приими сия моления наша, от всея души Тебе ныне нами возносимая, и сподоби нас в чине ангельском достигнути Небеснаго Царствия, идеже вси святии со Ангелы воспевают непрестанными гласы хвалу Пресвятей Троице, Богу нашему: Аллилуия.

(Это кондак читается трижды, затем 1й икос и 1й кондак)

О Пречистая Владычице Богородице, всечестнейшая наша Мати Игумение всех православных обителей иноческаго жития, во Святей Горе Афонстей и по всей вселенней сущих! Приими смиренная моления наша и принеси я ко Всещедрому Богу нашему, да спасет души наша Своею благодатию. Воззри на ны милосердным Твоим оком и соверши Сама о Господе наше спасение, понеже без милости Спаса нашего и Твоего святаго о нас ходатайства, не возможем, окаяннии, совершити своего спасения, яко окаляхом житие наше в суетах мирских, ибо время приближися жатвы Христовой и день Страшнаго Суда приспе. Мы же, окаяннии, погибаем в бездне греховной нерадения ради нашего, по реченному от святых отцев, первоначальников ангельскаго во плоти жития, яко последнии монаси нерадением жития своего уподобятся мирским людем, еже и сбысться днесь, ибо последнее иночество наше плавает житием своим в море житейском, посреде великия бури и непогоды, ибо наши святыя обители в прасе пребывают, грехов ради наших, Всеправедный Господь наш Иисус Христос тако благоволи, мы же, недостойнии, не имамы, где главы подклонити.

О сладчайшая наша Мати Игумение! Собери ны, разсеянное стадо Христово воедино и спаси православное монашество последняго века сего, и всех православных христиан сподоби райския жизни со Ангелы и всеми святыми во Царствии Христа Бога нашего, Емуже честь и слава, со Безначальным Его Отцем и со Пресвятым и Благим и Животворящим Духом во веки веков. Аминь.


Сказание об Агиасме, или чудесном открытии живоноснаго источника святым Афанасием и об устроенной по сему случаю иконе Пресвятой Богородицы – Экономиссы *).

В то время как святый Афанасий строил свою лавру, к нему стекалось отвсюду множество иноков, которых он с любовию принимал к себе, и с которыми вместе трудился во всех родах монастырскаго послушания. Попущением Божиим случилось, что в один год сделался такой неурожай и голод в лавре, что братия святаго Афанасия, не вынося как строгих подвигов, так и постигшаго лавру искушения, один по одному разошлись, так что, наконец, в ней остался, и при том без хлеба, один только святый Афанасий. Как силен ни был в подвигах, как тверд ни был в духе терпения святый Афанасий, но голод превозмог и его: твердость духа в нем поколебалась, он решился оставить лавру и идти куда-нибудь в другое место. В одно утро святый Афанасий, со своим железным жезлом, в смутном расположении духа, уныло шел по пути к Карее. Два часа он прошел этим путем, наконец утомился, и только-было хотел присесть отдохнуть, как показалась идущая ему на встречу женщина под голубым воздушным покрывалом. Смутился святый Афанасий и, не веря собственным глазам, перекрестился. «Откуда взяться здесь женщине? – спросил он сам себя, – ведь вход женщине сюда невозможен». – Удивляясь сему видению, святый Афанасий пошел на встречу Незнакомке. «Куда ты, старец»? – скромно спросила Незнакомка святаго Афанасия, поровнявшись с ним. Святый Афанасий осмотрел с ног до головы Незнакомку, заглянул Ей в лице, и в невольном чувстве почтительности отупился. Скромность одежды, тихий девственный взор Незнакомки, Ея трогательный голос – все показывало в Ней не случайную женщину. – «Ты кто, и как зашла сюда», – сказал старец Незнакомке, – и к чему тебе знать – куда я? Ты видишь, что я здешний инок. Чего-ж более? – «Если ты инок, – отвечала Незнакомка, – ты должен иначе, нежели обыкновенные люди, отвечать; и быть простодушным, доверчивым и скромным. Я желаю знать, куда ты идешь; знаю твое горе, и все что с тобою делается, могу тебе помочь: но прежде желаю услышать от тебя самого – куда ты»?

Удивленный беседою таинственной Незнакомки, святый Афанасий разсказал ей беду свою. – «И этого-то ты не вынес? – возразила Незнакомка; – ради насущнаго куска хлеба, ты бросаешь свою обитель, которая должна быть в роды родов славною? В духе ли это иночества? Где-ж твоя вера? Воротись, – продолжала Она, – Я тебе помогу; все будет с избытком тебе даровано, только не оставляй своего уединения, которое прославится и займет первое место между всеми возникшими здесь обителями». – «Кто же ты»? – спросил Афанасий. – «Та, имени Которой ты посвящаешь свою обитель, Которой вверяешь судьбу ея и твоего спасения. Я Матерь Господа твоего», – отвечала Незнакомка. Святый Афанасий недоверчиво и сомнительно посмотрел на Нее, и потом начал говорить: «Боюсь поверить, потому что и враг преобразуется в ангела света. Чем Ты убедишь меня в справедливости слов Твоих»? прибавил старец. – «Видишь этот камень, – отвечала Незнакомка; – ударь в него твоим жезлом, и тогда узнаешь, Кто с тобою говорит. Только знай, что с этой поры Я навсегда остаюсь домостроительницею (Экономиссою) твоей лавры». – Афанасий ударил жезлом своим в указанный ему камень. Как молниею разразился камень, и из трещины его выбежал шумный ключ воды, запрыгал по скату холма и унесся вниз до самаго моря. Пораженный таким чудом, святый Афанасий обернулся, чтоб броситься к ногам божественной Незнакомки, но Ея уж не было. Она незримо скрылась от его удивленных взоров. С той поры ключ тот даже и поныне целительно и обильно струится, в разстоянии двух часов ходу от лавры: это – близ моря, в диком и пустынном лесу.

Когда святый Афанаcий, по явлении ему божественной Экономиссы, возвратился в лавру, то бывшие истощенные сосуды и кладовыя нашел, по державной Ея воле, наполненными всем потребным; некоторые из этих сосудов будтобы сохраняются в лавре и доныне. Согласно воле Царицы Небесной, в лавре не бывает уже эконома, а только подэконом. Впоследствии в лавре была устроена икона Пресвятой Богородицы – Экономиссы. Икона эта изображает Ее седящею на престоле; на Ея лоне Предвечный Младенец. С правой стороны престола святый Михаил Синадский, с левой святый Афанасий; оба в молитвенном положении, а последний держит на руках своих вид своей лавры, символически образуя тем свое особенное хранение, покровительство и заботливость о ней. Эта икона поставлена в скромном кивоте среди монастыря, разделеннаго на две части – на том месте, где в другой раз Богоматерь явилась святому Афанасию видимым образом. Некогда святый Афанасий так же претерпевал в лавре своей крайнюю скудость во всем; Владычица мира, явившись ему, утешила его надеждою на Ея промышление и попечение о нем и его лавре. Свет неугасимой лампады тихо разливается пред изображением божественной Экономиссы. На месте же явления святому Афанасию Божией Матери у источника, воздвигнута, в память сего явления и в честь Ея, небольшая церковь с неугасимою лампадою пред иконою, изображающею совершившееся здесь чудо. При пути устроена открытая галлерея для отдыха пришельцев и поклонников, особенно в летнюю пору, когда жары бывают утомительны и едва выносимы. Иноки соседней келли теплят здесь неугасимую лампаду. Келля эта живописно отсюда рисуется на значительной высоте прибрежнаго холма.

Молитвами, Господи, всехъ Святыхъ и Богородицы

Твой миръ даждь намъ, и помилуй насъ, яко единъ щедръ.

======== + + + =======

Источник текста: *)Из "Письма Святогорца" 1745 г. Греческого издания.


икона Богородицы «ЭКОНОМИССА» или Игумения горы Афонской

18 июля (5 июля по старому стилю)

__________________________________________________

Описание иконы Богоматери «ЭКОНОМИССА» или Игумения горы Афонской:

Однажды в Х веке в Великой Лавре, основанной святым Афанасием Афонским, из-за неурожая начался голод. Иноки, не выдержав лишений, перебрались в другие обители. Последним покинул Лавру её основатель. Но по дороге Афанасию явилась Богородица и пообещала помогать Лавре, став отныне Экономиссой (Домоправительницей) обители. Вернувшись, Афанасий увидел чудесным образом наполненные кладовые. Вскоре в обитель вернулись и все иноки. С тех пор в Лавре святого Афанасия нет должности эконома, а существует только помощник Экономиссы.

На иконе рядом с Богородицей изображены святые Афанасий Афонский и Михаил Синадский.

_____________________________________

Молитва к Пресвятой Богородице перед Ея иконой, именуемой «Экономисса или Игумения горы Афонской»

О Пречестная Владычице Богородице, Всечестная наша Мати Игумение, всех православных обителей иноческаго жития, во святей горе Афонстей и по всей вселенней сущих! Приими смиренныя моления наша и принеси яко Все щедрому Богу нашему, да спасет души наша Своею благодатию. Воззри на ны милосерд­ным Твоим оком и соверши Сама о Господе наше спасение, понеже без милости Спаса нашего и Твоего святаго о нас хода­тайства, мы, окаянные, не воз­можем совершити свое спасение, яко окаляхом житие наше в су­етах мирских, ибо время при­ближается жатвы Христовой в день Страшнаго Суда приспе. Мы же, окаянныя, погибаем в бездне греховной, нерадения ра­ди нашего, по реченному от святых отцев, первоначальников ангельскаго по плоти жития: яко последний монаси нерадением жития своего уподобятся мирс­ким людем, еже и сбыстся днесь, ибо иночество наше плавает жи­тием своим на море житейстем среди великия бури и непогоды: ибо наши святыя обители в пра­хе пребывают грехов ради на­ших, Всеправедный Господь наш Иисус Христос, тако благоволи, мы же, недостойнии, не имеем где главы подклонити. О сладчайшая наша Мати Игумение! Собери ны, разсеянное стадо Христово, во едино и спаси всех православных христиан, сподоби райския жизни со Анге­лы и всеми святыми во Царст­вии Христа Бога нашего, Емуже честь и слава со Безначальным Его Отцем и со Пресвятым и Благим и Животворящим Духом во веки веков. Аминь.

Предстательство страшное и непо­стыдное, не презри, Благая, молитв на­ших, Всепетая Богородице, Милостивая верных Домостроительнице, утверди православных жительство, спаси стра­ну нашу и всех православно живущих в ней защити, зане родила еси Бога, Еди­на Благословенная.

_______________________________________

Акафист Пресвятой Богородице пред Ея иконою, именуемой «Экономисса или Игумения горы Афонской»

Избранной от сложения мира Пресвятей Деве Марии Богоро­дице, воистину плотию рождшей Иисуса Христа Спаса и Бога нашего, яко Владычице вселенныя, зело возлюбившей Христа и взявшей под Свой державный покров их святыя обители, по­хвальное приносим пение. Ты же, Всечестная наша Мати Игумения, храни и спасай нас от всех врагов видимых и невиди­мых, да зовем Ти: Радуйся, Пресвятая Богороди­це Дево, святой горы Афона и всея вселенныя православных обителей Всечестная Игумения!

Ангели плотию суще вси преподобнии отцы и матери, юноши и девы, от века просиявшии во святых и ныне православно шествующий в небесныя селения под сиянием Честнаго и Животворящаго Креста Христова, на земном поприще, во юдоли пла­ча и скорбей, под державным покровительством Матери Христа Бога нашего, Всечестнейшия Игу­мении православнаго монашескаго жития. Еяже милостивному заступлению радостно взываем сице: Радуйся, Всечестнейшая наша Мати Игумения; Радуйся, надежде нашего спа­сения. Радуйся, горы Афонския Хра­нительнице; Радуйся, тамо живущих ино­ков Спасительнице. Радуйся, веселие и славо Хри­стовых подвижников; Радуйся, отрадо Божественная святых пустынников. Радуйся, яко Тобою вси святии спасаются; Радуйся, яко вся вселенная Тобою украшается. Радуйся, миров бесчисленных о Бозе Владычице; Радуйся, вселения рая небеснаго Руководительнице. Радуйся, благий и славный ко­нец всех святых жития; Радуйся, святая радости Боже-ственныя струя. Радуйся, Пресвятая Богороди­це Дево, святой горы Афона и всея вселенныя православных обителей Всечестная Игумения!

Видящи скорбный путь спасе­ния для всех преподобных Сво­их, Господь наш Иисус Христос благоволи Матери Своей Всечестней Деве Богородице, да прострет Она Свой Божественный покров игуменства над всеми святыми обителями святыя Афонския горы и всея вселенныя православнаго монашеского спасения, да вси спасающиися в преподобии и святости, верою видящи сие, взывают непрестан­но Спасителю Богу: Аллилуиа.

Разум имуще Божественный вси преподобнии отцы и матери, от всея души возлюбиша славу небесную, мир же со всеми его прелестьми возненавидевше и ногама поправше, шествоваху в подвизех святых за Христом в мире жития сего, безбедно руко­водимыя Своею Приснодевственною небесною Игумениею, Еяже верою зряще в лице Ея икон святых, умильно взывают тако: Радуйся, нашего спасения гла-визно; Радуйся, радосте наша в сей и в будущей жизни. Радуйся, дивная Строительнице наших святых обителей; Радуйся, Экономиссо милосер­дая иноческих общежитий. Радуйся, цвете Божественнаго прозябения; Радуйся, радосте всемирнаго воскресения. Радуйся, всех святых Божест­венное веселие; Радуйся, монашества украше­ние. Радуйся, Истинная Мати на­шего Спасителя; Радуйся, яко плотию родила еси ада Победителя. Радуйся, яко на Афоне духов­ный сад насадила еси; Радуйся, яко тамо живущих в преподобии в рай руководила еси. Радуйся, Пресвятая Богороди­це Дево, святыя горы Афона и всея вселенныя православных обителей Всечестная Игумения.

Сила Вышняго осеняет всех, в преподобии и святости, и в правде живущих, иже возненавидеша суету мира сего и бежаша во святыя монашеский обители, и тамо во образе ангельском вземше на ся благое иго Христо­во свято подвизающеся, чрез все житие свое взывают непрестанно ко Пресвятой Троице Богу: Аллилуиа.

Имуще пламенное желание спасения, вси соборы преподоб­ных, просиявшии во святых от века, и ныне подвиги спасения совершающий во обителех иноческаго жития, в лаврех, монастырех, скитех, киновиих, келлиих и на всяцем месте всея вселенныя, имея дивный щит спасения — Божественное игуменство Ма­тери Божией, хвалебно Ей песнопоют: Радуйся, Собирательнице наша среди мира греховнаго; Радуйся, Строительнице наше­го спасения духовнаго. Радуйся, спасшая весь род Адама падшего; Радуйся, плотию рождшая не­изреченно Спаса и Бога нашего. Радуйся, Всечестнейшая Мона­хине, образе спасающимся; Радуйся, праведная Игумение всех нас, подвизающихся. Радуйся, веры православныя воеводо непобедимая; Радуйся, Божественная крепосте всесильная. Радуйся, Мати Господня и на­ша Благодатная; Радуйся, для всех святых бла­гоприятная. Радуйся, двере милосердия для кающихся; Радуйся, упование о Бозе под­визающихся. Радуйся, Пресвятая Богороди­це Дево, святыя горы Афона и всея вселенныя православных обителей всечестная Игумение.

Бурю сомнений грехолюбивых оставльше отцы преподобныя и матери, возлюбиша тернистый путь спасения, живуще среди скорбей и лишений, Царствия ради Небеснаго, украсивше своим Бого­угодным житием премногия мес­та вселенныя, идеже основаше святыя обители иноческаго спа­сения, в нихже спасающеся, присно поют Ангельскую песнь Христу Богу нашему: Аллилуиа.

Слышаша святыя глаголы Христова Евангелиа, избранницы небесныя, вся презревше суетная мира сего, в путь святый поидоша, нося благое иго Спаса нашего житием своим, во плоти Ангелом святым уподобишася, имея предивную Игумению над всеми их святыми обителями по всей вселенней яко звезды небесныя сияющими, к Нейже во­пиют всегда: Радуйся, премудрая Игумение монашества православного; Радуйся, спасение народа Богоизбраннаго. Радуйся, столпе девства и океане милосердия; Радуйся, вечная отрадо райскаго веселия. Радуйся, прибежище кающихся грешников; Радуйся, сокровище убогим подвижником. Радуйся, всю вселенную любовию покрывающая; Радуйся, славою Небесною сатану во ад низвергающая. Радуйся, Божественная радосте Ангелов и человеков; Радуйся, яко плач принесла еси демоном во веки. Радуйся, единая надеждо веры православныя; Радуйся, Мати Господня и на­ша Всеславная. Радуйся, Пресвятая Богородице Дево, святыя горы Афона и всея вселенныя православных обителей Всечестная Игумение.

Боготечную жизнь праведницы проидоша и Небеснаго Отечества с радостию достигоша, веселятся, о Господе, со Ангелы святыми во вся веки, мы же их собратия, подвизаемся во святых обителех, поюще хвалебныя песни Богу: Аллилуиа.

Видеша избранницы Господни скоропреходящую славу мира се­го: богатство непостоянно, сча­стье скоротечно, скорби же, пе­чали и отчаяние, и всякия зло­ключения присныя спутницы жизни сея есть, в конце же смерть телесная всем людем не­избежна. Святою же верою вечныя селения созерцаху, возлюбиша тесный и прискорбный путь монашескаго жития, идеже Пресвятая Матерь Самаго Господа игуменствует, руководя спасаю­щимися духовными чадами Ея, хвалебно к Ней взывающими: Радуйся, единое спасение душ наших; Радуйся, райское утешение всех скорбящих. Радуйся, святыя горы Афонския Просветительнице; Радуйся, всея вселенныя По­кровительнице. Радуйся, надежное прибежище всем кающимся; Радуйся, тихое пристанище от бед спасающимся. Радуйся, Лавры Печерския Строительнице; Радуйся, Почаевския обители Защитнице. Радуйся, Экономиссо лавры Афанасия Афонскаго; Радуйся, книго Христово Завета Новосионскаго. Радуйся, всех святых во едино собравшая; Радуйся, Христианом право­славным путь в рай указавшая. Радуйся, Пресвятая Богороди­це Дево, святыя горы Афона и всея вселенныя православных обителей Всечестная Игумение.

Проповедницы богатнаго равноангельскаго жития во плоти явишася отцы преподобнии: Ан­тоний Великий, Пахомий, Макарий, Феодосий и прочии препо­добныя отцы и матери,и хже житию сонмы последоваша всех преподобных, наследницы бывше райских обителей со всеми свя­тыми, и мы им ныне подражающе, во Ангельстем чине живуще, воспеваем Спасителю мира хвалебныя гласы: Аллилуиа.

Возсия образ жития равноангельскаго для всех ищущих спа­сения: вдали от всех сует мир­ских примером Самаго Христа и Бога нашего и Его Пречистыя Матере Приснодевы Марии Бо­городицы, Предтечи Господня Иоанна и премногих святых угодников, ихже житию подража­ют вси преподобнии и под державным водительством Владычицы Вселенныя, Всечестнейшия Игу­мении Православно-монашеских обителей Марии Богородицы, хвалимой от всех святых предивными похвалами сице: Радуйся, православнаго мона­шества Мати Игумение; Радуйся, их ангельскаго жития вечное спасение. Радуйся, Благая Наставнице на путь небесныя жизни; Радуйся, Настоятельнице монашеския отчизны. Радуйся, скорая защито си­ротствующих; Радуйся, яко подвижником святым венцы всегда готовиши. Радуйся, всех праведников любящая; Радуйся, кающихся грешников милующая. Радуйся, яко Твоя любовь Божией любви уподобляется; Радуйся, яко Тобою всякая тварь о Господе спасается. Радуйся, радосте Божественнаго веселия; Радуйся, мира всего покрове и спасение. Радуйся, Пресвятая Богороди­це Дево, святыя горы Афона и всея вселенныя православных обителей Всечестная Игумение.

Хотящу скорбный путь к не­беси благоустроити, Господь наш Иисус Христос благоволи Мате­ри Своей, да игуменствует над всеми православными иночески­ми обительми по всей вселенней сущими, руководя в селения не­беснаго рая сонмы избранников, ищущих спасения и поющих Из­бавителю Богу нашему: Аллилуиа.

Новую жизнь образом Ангельскаго жития показаша отцы пре-подобнии и матери, зане вся оставльше сладости мира греховнаго и возлюбиша шествовати к Небеси путем Царя Славы Хри­ста Бога нашего, крестными страданьми, и быша мученицы без крови, терпящи вся злая Царствия ради Божия, еже и получиша, и ныне сонмы препо­добных шествуют таковым путем, водимыя Материю Божиею, яко Всечестнейшею Игумениею их преподобнаго жития, превозноси­мую от них хвалами: Радуйся, Мати Господа, Судии Всеправеднаго; Радуйся, во игумениих от века предъизбранная. Радуйся, чистотою телеси тварь превозшедшая; Радуйся, святостию Своея ду­ши Небеса украсившая. Радуйся, благовестие Небеснаго Отечества; Радуйся: духовный крине православнаго монашества. Радуйся, усердная Молитвеннице о всех православных; Радуйся, Благая Строительнице для святых избранных. Радуйся, тихое пристанище всем странствующим; Радуйся, покоище блаженной старости. Радуйся, Невесто неневестная; Радуйся, Пресвятая Богородице Дево, святыя горы Афона и всея вселенныя православных обителей всечестная Игумение.

Странное житие имуще, Хри­стовы избранницы, оставльше телесныя страсти и утехи, возлюбиша путь крестных страданий в пусгынех, на островах, в рассе­линех скал, в дубравех, со зверь­ми живуще равноангельно, идеже усгроиша Божиею волею святыя обители, в нихже воспеваху чрез все житие свое херувимски ко Господу: Аллилуиа.

Весь бых Всемогущий Бог во умех и сердцах избранных Своих угодников, но реченному: «Дивен Бог во святых Своих», прослав­ляя святыя Своя, собираяй из среды мира греховнаго, водворяя во святыя обители, да хвалится ими святое Имя Его, со святыми Ангелы во веки, и Владычица Богородица, Всеблагая Матерь Господня премудро игуменствует, спасая от бед и скорбей смирен­но восхваляющих милость Ея: Радуйся, Честнейшая всея тва­ри и всея вселенныя; Радуйся, сладчайшая, яко Божие селение. Радуйся, святой покрове жиз­ни нашея; Радуйся, Божественный источ­нике сладости сладчайшия. Радуйся, вся наша надежде спасения и покой; Радуйся, по Бозе наше упова­ние в жизни земной. Радуйся, яко воскресе Сын Твой и Господь; Радуйся, яко Он воскресит всякую плоть. Радуйся, Юже воспевают Не-бесныя Воинства; Радуйся, хвалимая от всех свя­тых по достоинству. Радуйся, великая радосте мое­го спасения; Радуйся, всего мира Божест­венное утешение. Радуйся, Пресвятая Богороди­це Дево, святыя горы Афона и всея вселенныя православных обителей Всечестная Игумение.

Всякое мудрование земное презревше, святии угодницы яко юроди Христа ради явишася, бе­гая и странствующи на земли, не имуще нигде телеснаго, еже получиша, и мы им подражаем жи­тием, подвигами и любовию ко Господу, Егоже и восхваляем, Ангельски поюще: Аллилуиа.

Витии премудрости Господней явишася отцы преподобнии: Па-хомий Великий, Антоний Вели­кий и Макарий Египетский и всех православных иноков на­чальницы, просиявши во святых, ибо своим святым житием равноангельским на земли и словеса­ми спасения спасоша премногия сонмы учеников, истинных рабов Христовых, по всей вселенней велением Пресвятыя Троицы под державным игуменством Влады­чицы Богородицы, Юже от всея души всегда хвалиша тако: Радуйся, Державная Владычице вселенныя; Радуйся, Игумение нашего спасения. Радуйся, Бога Отцов Дщере вселюбезная; Радуйся, Материю Сына Божия быти сподобилася еси за святость и смирение. Радуйся, Бога Духа Святаго прекрасная Палато; Радуйся, на небеси и на земли любовию Всебогатая. Радуйся, инокине Честнейшая Херувимов; Радуйся, яко Матерь Бога Превышшая Серафимов. Радуйся, Апостолов Христовых всемудрое учение. Радуйся, всех святых оправда­ние; Радуйся, помоще наша в земных страданиях. Радуйся, Пресвятая Богороди­це Дево, святыя горы Афона и всея вселенныя православных обителей Всечестная Игумение.

Спасти хотя род человеческий, Господь наш Иисус Христос со­шед с небесе во юдоль плача и скорбей и Своими страданьми Божественнаго жития подаде пример для всех святых, желаю­щие достигнути вечнаго покоя, в преподобии и правде хвалящих Его Ангельскими гласы: Аллилуиа.

Стена крепости Божественныя явилася еси, наша Всечестная Мати Игумение, охраняя, спасая, покрывая вся святыя обители иноческия жизни во святей горе Афонстей и по всей вселенней, от зари веры христианския и до дне Страшнаго Суда Христова, спасая Божественною милостию преподобныя Своя, присно хвалящия Ея щедроты сими сло­весы: Радуйся, Пресвятая Мати Игу­мение; Радуйся, источниче духовнаго воскресения. Радуйся, всю вселенную по­крывающая; Радуйся, святую Церковь Хри­стову увеселяющая. Радуйся, пророческая славо и венче; Радуйся, и моея жизни бла­женный конече. Радуйся, краше неба и сладше рая; Радуйся, примере для святаго жития. Радуйся, любящая Свой жре­бий Афон; Радуйся, украшающая Иеруса­лим и Сион. Радуйся, Мати Милосердаго Судии; Радуйся, проливающая о мире слезныя струи. Радуйся, Пресвятая Богороди­це Дево, святыя горы Афона и всея вселенныя православных обителей всечестная Игумение.

Пение всеумиленное приносят вси святии в небесных селениих райских, со святыми Ангелы хваляще и превозносяще Пресвятую Троицу: «Свят, Свят, Свят», — вопиют, и мы, православнии иноцы, верою сие зряще, вопием непрестанно к Богу нашему: Аллилуиа.

Светоприимную свещу православнаго жития соборы препо­добных приемши, со всеми свя­тыми, просиявшими от века, уже впереди, тако и ныне в путь небесный шествуют, имея Всемо­гущую о Господе Владычицу Ма­терь Еммануилову яко Игумению их преподобнаго жития, с радостию вопиют к Ней похвалами сице: Радуйся, подающая нам образ смирения; Радуйся, Собирательнице наша во обители спасения. Радуйся, Игумение святыя Афонския горы; Радуйся, Настоятельнице всех святых монастырей. Радуйся, монахине житием всечестная; Радуйся, во бранех всесиль­нейшая. Радуйся, живых и мертвых Спасительнице; Радуйся, сиротствующих Мати благодатная. Радуйся, в скорби сущих отрадо приятная; Радуйся, спасение православ­ных христиан. Радуйся, святых щедрот Боже­ственный океане;

Радуйся, Пресвятая Богороди­це Дево, святыя горы Афонския и всея вселенныя православных обителей Всечестная Игумение.

Благодать подает всегда, Пресладкий Спаситель наш, всем святым рабом Своим, в преподо­бии и святости подвизающимся на поприще земнаго жития, ибо уже сонмы святых православных Православною Церковию в райских селениих воспевают Пре­святую Троицу со всеми Небес­ными силами, и мы им подражающе, вопием Дивному во святых Богу: Аллилуиа.

Поюще вся милости Господни и щедроты к нам, недостойным инокам, присно ниспосылаемыя, и всечестное Игуменство над всеми нашими обителями нашея Всеблагодатныя Владычицы Бого­родицы, радуемся Божественно и веселимся, яко сподобившиися спасение совершати в тех обителех, идеже уже премногия сонмы преподобных подвижников достигоша Небеснаго Царствия, ихже святыми молитвами по милости Божией и под святым Покровом нашея Небесныя Матере Игуме­нии достигнем и мы райских селений за труды спасения пох­вальная, воспевая сице словеса: Радуйся, Пресвятая Богороди­це Дево; Радуйся, спасения нашего По­мощнице. Радуйся, Игумение за всех Всещедрая; Радуйся, в преподобии Ты еси первая. Радуйся, покровом милости весь мир покрывающая; Радуйся, сирот странных пита­ющая. Радуйся, юным целомудрия Наставнице; Радуйся, о всех людех благая Печальнице. Радуйся, рода праотца Адама веселие; Радуйся, тихое пристанище спасения. Радуйся, Всещедрая наша Мати Игумение; Радуйся, благое начало и ко­нец нашего песнопения. Радуйся, Пресвятая Богороди­це Дево, святыя горы Афона и всея вселенныя православных обителей Всечестная Игумение.

О Всепетая наша Мати Игумение, Преславная Владычице Бо­городице! Приими сия моления наша, от всея души Тебе ныне нами возносимыя и сподоби в чине Ангельстем достигнути Небеснаго Царствия, идеже вси святии, Ангели и человецы, воспе­вают непрестанными гласы хвалу Пресвятей Троице Богу: Аллилуиа.

(Это кондак читается трижды, затем 1-й икос и 1-й кондак)

____________________________________________

Также читайте у нас на сайте:

Земная жизнь Богородицы - Описание жизни, рождества, успения Божией Матери.

Иконы Божьей Матери - Информация о видах иконописи, описания большинства икон Божией Матери.

Жития Святых - Раздел посвященный Житиям Православных Святых.

Начинающему христианину - Информация для тех, кто недавно пришел к Православной Церкви. Наставления в духовной жизни, базовая информация о храме и т.д.

http://pravkurs.ru/ - Православный интернет курс дистанционного обучения. Рекомендуем пройти этот курс всем начинающим Православным Христианам. Обучение через интернет проходит два раза в год, запишитесь на следующие курсы сегодня


Иконы Пресвятой Богородицы

Икона Пресвятой Богородицы, именуемая “Экономисса или Игумения горы Афонской”

(память 5 июля по старому стилю)

Икона Игумении горы Афонской “Экономисса” находится в Лавре св. Афанасия на Афонской горе. Она написана по следующему случаю. Однажды и монастыре был голод, так что все иноки ушли из святой обители, и св. Афанасий сам решился удалиться. Но на дороге вдруг увидел женщину под покрывалом и удивился, говоря себе: откуда здесь взяться женщине, когда вход для женщин сюда невозможен? Однако женщина сама спросила его:

“Куда ты идешь, старец?”.

В свою очередь св. Афанасий спросил у нее:

“Ты кто, и как сюда зашла?”, — а также прибавил: “К чему тебе знать, куда я иду? Ты видишь, что я здешний инок”. — “Если ты инок, — продолжала незнакомка, — ты должен быть простодушным, доверчивым и скромным. Я знаю твое горе и помогу тебе. Но расскажи мне прежде, куда ты идешь?”

Тогда св. Афанасий рассказал все, и женщина возразила: “И этого-то ты не вынес? Ради куска хлеба ты бросаешь обитель? В духе ли это иночества?”

— “Кто же ты?” — спросил Афанасий. “Я та, имени которой ты посвящаешь свою обитель. Я Матерь Господа Твоего”, — отвечала женщина. “Боюсь поверить, — ответил старец, — и бесы принимают светлые образы. Чем докажешь мне?!”

— “Видишь этот камень, — отвечала Богородица, — ударь в него жезлом и тогда узнаешь, Кто говорит с тобою. Знай, что с сего времени, я навсегда остаюсь Домостроительницею (Экономиссою) твоей Лавры”.

Афанасий ударил камень, и из него с шумом потекла вода. Св. Афанасий вернулся в обитель, и нашел, что все кладовые доверху наполнены всем необходимым. Вода же до сих пор истекает из того места, где находился камень, а в Лавре, по воле Царицы Небесной, нет эконома. Скоро в монастыре была написана и сама икона “Экономисса”.

Акафист Пресвятой Богородице пред Ея иконой, именуемой “Экономисса или Игумения горы Афонской”

Кондак 1

Избранной от сложения мира Пресвятей Деве Марии Богородице, воистину плотию рождшей Иисуса Христа Спаса и Бога нашего, яко Владычице вселенныя, зело возлюбившей Христа и взявшей под Свой державный покров их святыя обители, похвальное приносим пение. Ты же, Всечестная наша Мати Игумения, храни и спасай нас от всех врагов видимых и невидимых, да зовем Ти: Радуйся, Пресвятая Богородице Дево, святой горы Афона и всея вселенныя православных обителей Всечестная Игумения!

Икос 1

Ангели плотию суще вси преподобнии отцы и матери, юноши и девы, от века просиявшии во святых и ныне православно шествующий в небесныя селения под сиянием Честнаго и Животворящаго Креста Христова, на земном поприще, во юдоли плача и скорбей, под державным покровительством Матери Христа Бога нашего, Всечестнейшия Игумении православнаго монашескаго жития. Еяже милостивному заступлению радостно взываем сице: Радуйся, Всечестнейшая наша Мати Игумения; Радуйся, надежде нашего спасения. Радуйся, горы Афонския Хранительнице; Радуйся, тамо живущих иноков Спасительнице. Радуйся, веселие и славо Христовых подвижников; Радуйся, отрадо Божественная святых пустынников. Радуйся, яко Тобою вси святии спасаются; Радуйся, яко вся вселенная Тобою украшается. Радуйся, миров бесчисленных о Бозе Владычице; Радуйся, вселения рая небеснаго Руководительнице. Радуйся, благий и славный конец всех святых жития; Радуйся, святая радости Божественныя струя. Радуйся, Пресвятая Богородице Дево, святой горы Афона и всея вселенныя православных обителей Всечестная Игумения!

Кондак 2

Видящи скорбный путь спасения для всех преподобных Своих, Господь наш Иисус Христос благоволи Матери Своей Всечестней Деве Богородице, да прострет Она Свой Божественный покров игуменства над всеми святыми обителями святыя Афонския горы и всея вселенныя православнаго монашеского спасения, да вси спасающиися в преподобии и святости, верою видящи сие, взывают непрестанно Спасителю Богу: Аллилуиа.

Разум имуще Божественный вси преподобнии отцы и матери, от всея души возлюбиша славу небесную, мир же со всеми его прелестьми возненавидевше и ногама поправше, шествоваху в подвизех святых за Христом в мире жития сего, безбедно руководимыя Своею Приснодевственною небесною Игумениею, Еяже верою зряще в лице Ея икон святых, умильно взывают тако: Радуйся, нашего спасения главизно; Радуйся, радосте наша в сей и в будущей жизни. Радуйся, дивная Строительнице наших святых обителей; Радуйся, Экономиссо милосердая иноческих общежитий. Радуйся, цвете Божественнаго прозябения; Радуйся, радосте всемирнаго воскресения. Радуйся, всех святых Божественное веселие; Радуйся, монашества украшение. Радуйся, Истинная Мати нашего Спасителя; Радуйся, яко плотию родила еси ада Победителя. Радуйся, яко на Афоне духовный сад насадила еси; Радуйся, яко тамо живущих в преподобии в рай руководила еси. Радуйся, Пресвятая Богородице Дево, святыя горы Афона и всея вселенныя православных обителей Всечестная Игумения.

Кондак 3

Сила Вышняго осеняет всех, в преподобии и святости, и в правде живущих, иже возненавидеша суету мира сего и бежаша во святыя монашеский обители, и тамо во образе ангельском вземше на ся благое иго Христово свято подвизающеся, чрез все житие свое взывают непрестанно ко Пресвятой Троице Богу: Аллилуиа.

Икос 3

Имуще пламенное желание спасения, вси соборы преподобных, просиявшии во святых от века, и ныне подвиги спасения совершающий во обителех иноческаго жития, в лаврех, монастырех, скитех, киновиих, келлиих и на всяцем месте всея вселенныя, имея дивный щит спасения — Божественное игуменство Матери Божией, хвалебно Ей пес н опоют: Радуйся, Собирательнице наша среди мира греховнаго; Радуйся, Строительнице нашего спасения духовнаго. Радуйся, спасшая весь род Адама падшего; Радуйся, плотию рождшая неизреченно Спаса и Бога нашего. Радуйся, Всечестнейшая Монахине, образе спасающимся; Радуйся, праведная Игумение всех нас, подвизающихся. Радуйся, веры православныя воеводо непобедимая; Радуйся, Божественная крепосте всесильная. Радуйся, Мати Господня и наша Благодатная; Радуйся, для всех святых благоприятная. Радуйся, двере милосердия для кающихся; Радуйся, упование о Бозе подвизающихся. Радуйся, Пресвятая Богородице Дево, святыя горы Афона и всея вселенныя православных обителей всечестная Игумение.

Бурю сомнений грехолюбивых оставльше отцы преподобныя и матери, возлюбиша тернистый путь спасения, живуще среди скорбей и лишений, Царствия ради Небеснаго, украсивше своим Богоугодным житием премногия места вселенныя, идеже основаше святыя обители иноческаго спасения, в нихже спасающеся, присно поют Ангельскую песнь Христу Богу нашему: Аллилуиа.

Икос 4

Слышаша святыя глаголы Христова Евангелиа, избранницы небесныя, вся презревше суетная мира сего, в путь святый поидоша, нося благое иго Спаса нашего житием своим, во плоти Ангелом святым уподобишася, имея предивную Игумению над всеми их святыми обителями по всей вселенней яко звезды небесныя сияющими, к Нейже вопиют всегда: Радуйся, премудрая Игумение монашества православного; Радуйся, спасение народа Богоизбраннаго. Радуйся, столпе девства и океане милосердия; Радуйся, вечная отрадо райскаго веселия. Радуйся, прибежище кающихся грешников; Радуйся, сокровище убогим подвижником. Радуйся, всю вселенную любовию покрывающая; Радуйся, славою Небесною сатану во ад низвергающая. Радуйся, Божественная радосте Ангелов и человеков; Радуйся, яко плач принесла еси демоном во веки. Радуйся, единая надеждо веры православныя; Радуйся, Мати Господня и наша Всеславная. Радуйся, Пресвятая Богородице Дево, святыя горы Афона и всея вселенныя православных обителей Всечестная Игумение.

Кондак 5

Боготечную жизнь праведницы проидоша и Небеснаго Отечества с радостию достигоша, веселятся, о Господе, со Ангелы святыми во вся веки, мы же их собратия, подвизаемся во святых обителех, поюще хвалебныя песни Богу: Аллилуиа.

Икос 5

Видеша избранницы Господни скоропреходящую славу мира сего: богатство непостоянно, счастье скоротечно, скорби же, печали и отчаяние, и всякия злоключения присныя спутницы жизни сея есть, в конце же смерть телесная всем людем неизбежна. Святою же верою вечныя селения созерцаху, возлюбиша тесный и прискорбный путь монашескаго жития, идеже Пресвятая Матерь Самаго Господа игуменствует, руководя спасающимися духовными чадами Ея, хвалебно к Ней взывающими: Радуйся, единое спасение душ наших; Радуйся, райское утешение всех скорбящих. Радуйся, святыя горы Афонския Просветительнице; Радуйся, всея вселенныя Покровительнице. Радуйся, надежное прибежище всем кающимся; Радуйся, тихое пристанище от бед спасающимся. Радуйся, Лавры Печерския Строительнице; Радуйся, Почаевския обители Защитнице. Радуйся, Экономиссо лавры Афанасия Афонскаго; Радуйся, книго Христово Завета Новосионскаго. Радуйся, всех святых во едино собравшая; Радуйся, Христианом православным путь в рай указавшая. Радуйся, Пресвятая Богородице Дево, святыя горы Афона и всея вселенныя православных обителей Всечестная Игумение.

Кондак 6

Проповедницы богатнаго равноангельскаго жития во плоти явишася отцы преподобнии: Антоний Великий, Пахомий, Макарий, Феодосий и прочии преподобныя отцы и матери,и хже житию сонмы последоваша всех преподобных, наследницы бывше райских обителей со всеми святыми, и мы им ныне подражающе, во Ангельстем чине живуще, воспеваем Спасителю мира хвалебныя гласы: Аллилуиа.

Икос 6

Возсия образ жития равноангельскаго для всех ищущих спасения: вдали от всех сует мирских примером Самаго Христа и Бога нашего и Его Пречистыя Матере Приснодевы Марии Богородицы, Предтечи Господня Иоанна и премногих святых угодников, ихже житию подражают вси преподобнии и под державным водительством Владычицы Вселенныя, Всечестнейшия Игумении Православно-монашеских обителей Марии Богородицы, хвалимой от всех святых предивными похвалами сице: Радуйся, православнаго монашества Мати Игумение; Радуйся, их ангельскаго жития вечное спасение. Радуйся, Благая Наставнице на путь небесныя жизни; Радуйся, Настоятельнице монашеския отчизны. Радуйся, скорая защито сиротствующих; Радуйся, яко подвижником святым венцы всегда готовиши. Радуйся, всех праведников любящая; Радуйся, кающихся грешников милующая. Радуйся, яко Твоя любовь Божией любви уподобляется; Радуйся, яко Тобою всякая тварь о Господе спасается. Радуйся, радосте Божественнаго веселия; Радуйся, мира всего покрове и спасение. Радуйся, Пресвятая Богородице Дево, святыя горы Афона и всея вселенныя православных обителей Всечестная Игумение.

Кондак 7

Хотящу скорбный путь к небеси благоустроити, Господь наш Иисус Христос благоволи Матери Своей, да игуменствует над всеми православными иноческими обительми по всей вселенней сущими, руководя в селения небеснаго рая сонмы избранников, ищущих спасения и поющих Избавителю Богу нашему: Аллилуиа.

Икос 7

Новую жизнь образом Ангельскаго жития показаша отцы преподобнии и матери, зане вся оставльше сладости мира греховнаго и возлюбиша шествовати к Небеси путем Царя Славы Христа Бога нашего, крестными страданьми, и быша мученицы без крови, терпящи вся злая Царствия ради Божия, еже и получиша, и ныне сонмы преподобных шествуют таковым путем, водимыя Материю Божиею, яко Всечестнейшею Игумениею их преподобнаго жития, превозносимую от них хвалами: Радуйся, Мати Господа, Судии Всеправеднаго; Радуйся, во игумениих от века предъизбранная. Радуйся, чистотою телеси тварь превозшедшая; Радуйся, святостию Своея души Небеса украсившая. Радуйся, благовестие Небеснаго Отечества; Радуйся: духовный крине православнаго монашества. Радуйся, усердная Молитвеннице о всех православных; Радуйся, Благая Строительнице для святых избранных. Радуйся, тихое пристанище всем странствующим; Радуйся, покоище блаженной старости. Радуйся, Невесто неневестная; Радуйся, Пресвятая Богородице Дево, святыя горы Афона и всея вселенныя православных обителей всечестная Игумение.

Кондак 8

Странное житие имуще, Христовы избранницы, оставльше телесныя страсти и утехи, возлюбиша путь крестных страданий в пусгынех, на островах, в расселинех скал, в дубравех, со зверьми живуще равноангельно, идеже усгроиша Божиею волею святыя обители, в нихже воспеваху чрез все житие свое херувимски ко Господу: Аллилуиа.

Икос 8

Весь бых Всемогущий Бог во умех и сердцах избранных Своих угодников, но реченному: “Дивен Бог во святых Своих”, прославляя святыя Своя, собираяй из среды мира греховнаго, водворяя во святыя обители, да хвалится ими святое Имя Его, со святыми Ангелы во веки, и Владычица Богородица, Всеблагая Матерь Господня премудро игуменствует, спасая от бед и скорбей смиренно восхваляющих милость Ея: Радуйся, Честнейшая всея твари и всея вселенныя; Радуйся, сладчайшая, яко Божие селение. Радуйся, святой покрове жизни нашея; Радуйся, Божественный источнике сладости сладчайшия. Радуйся, вся наша надежде спасения и покой; Радуйся, по Бозе наше упование в жизни земной. Радуйся, яко воскресе Сын Твой и Господь; Радуйся, яко Он воскресит всякую плоть. Радуйся, Юже воспевают Небесныя Воинства; Радуйся, хвалимая от всех святых по достоинству. Радуйся, великая радосте моего спасения; Радуйся, всего мира Божественное утешение. Радуйся, Пресвятая Богородице Дево, святыя горы Афона и всея вселенныя православных обителей Всечестная Игумение.

Кондак 9

Всякое мудрование земное презревше, святии угодницы яко юроди Христа ради явишася, бегая и странствующи на земли, не имуще нигде телеснаго, еже получиша, и мы им подражаем житием, подвигами и любовию ко Господу, Егоже и восхваляем, Ангельски поюще: Аллилуиа.

Икос 9

Витии премудрости Господней явишася отцы преподобнии: Пахомий Великий, Антоний Великий и Макарий Египетский и всех православных иноков начальницы, просиявши во святых, ибо своим святым житием равноангельским на земли и словесами спасения спасоша премногия сонмы учеников, истинных рабов Христовых, по всей вселенней велением Пресвятыя Троицы под державным игуменством Владычицы Богородицы, Юже от всея души всегда хвалиша тако: Радуйся, Державная Владычице вселенныя; Радуйся, Игумение нашего спасения. Радуйся, Бога Отцов Дщере вселюбезная; Радуйся, Материю Сына Божия быти сподобилася еси за святость и смирение. Радуйся, Бога Духа Святаго прекрасная Палато; Радуйся, на небеси и на земли любовию Всебогатая. Радуйся, инокине Честнейшая Херувимов; Радуйся, яко Матерь Бога Превышшая Серафимов. Радуйся, Апостолов Христовых всемудрое учение. Радуйся, всех святых оправдание; Радуйся, помоще наша в земных страданиях. Радуйся, Пресвятая Богородице Дево, святыя горы Афона и всея вселенныя православных обителей Всечестная Игумение.

Кондак 10

Спасти хотя род человеческий, Господь наш Иисус Христос сошед с небесе во юдоль плача и скорбей и Своими страданьми Божественнаго жития подаде пример для всех святых, желающие достигнути вечнаго покоя, в преподобии и правде хвалящих Его Ангельскими гласы: Аллилуиа.

Икос 10

Стена крепости Божественныя явилася еси, наша Всечестная Мати Игумение, охраняя, спасая, покрывая вся святыя обители иноческия жизни во святей горе Афонстей и по всей вселенней, от зари веры христианския и до дне Страшнаго Суда Христова, спасая Божественною милостию преподобныя Своя, присно хвалящия Ея щедроты сими словесы: Радуйся, Пресвятая Мати Игумение; Радуйся, источниче духовнаго воскресения. Радуйся, всю вселенную покрывающая; Радуйся, святую Церковь Христову увеселяющая. Радуйся, пророческая славо и венче; Радуйся, и моея жизни блаженный конече. Радуйся, краше неба и сладше рая; Радуйся, примере для святаго жития. Радуйся, любящая Свой жребий Афон; Радуйся, украшающая Иерусалим и Сион. Радуйся, Мати Милосердаго Судии; Радуйся, проливающая о мире слезныя струи. Радуйся, Пресвятая Богородице Дево, святыя горы Афона и всея вселенныя православных обителей всечестная Игумение.

Кондак 11

Пение всеумиленное приносят вси святии в небесных селениих райских, со святыми Ангелы хваляще и превозносяще Пресвятую Троицу: “Свят, Свят, Свят”, — вопиют, и мы, православнии иноцы, верою сие зряще, вопием непрестанно к Богу нашему: Аллилуиа.

Икос 11

Светоприимную свещу православнаго жития соборы преподобных приемши, со всеми святыми, просиявшими от века, уже впереди, тако и ныне в путь небесный шествуют, имея Всемогущую о Господе Владычицу Матерь Еммануилову яко Игумению их преподобнаго жития, с радостию вопиют к Ней похвалами сице: Радуйся, подающая нам образ смирения; Радуйся, Собирательнице наша во обители спасения. Радуйся, Игумение святыя Афонския горы; Радуйся, Настоятельнице всех святых монастырей. Радуйся, монахине житием всечестная; Радуйся, во бранех всесильнейшая. Радуйся, живых и мертвых Спасительнице; Радуйся, сиротствующих Мати благодатная. Радуйся, в скорби сущих отрадо приятная; Радуйся, спасение православных христиан. Радуйся, святых щедрот Божественный океане; Радуйся, Пресвятая Богородице Дево, святыя горы Афонския и всея вселенныя православных обителей Всечестная Игумение.

Кондак 12

Благодать подает всегда, Пресладкий Спаситель наш, всем святым рабом Своим, в преподобии и святости подвизающимся на поприще земнаго жития, ибо уже сонмы святых православных Православною Церковию в райских селениих воспевают Пресвятую Троицу со всеми Небесными силами, и мы им подражающе, вопием Дивному во святых Богу: Аллилуиа.

Икос 12

Поюще вся милости Господни и щедроты к нам, недостойным инокам, присно ниспосылаемыя, и всечестное Игуменство над всеми нашими обителями нашея Всеблагодатныя Владычицы Богородицы, радуемся Божественно и веселимся, яко сподобившиися спасение совершати в тех обителех, идеже уже премногия сонмы преподобных подвижников достигоша Небеснаго Царствия, ихже святыми молитвами по милости Божией и под святым Покровом нашея Небесныя Матере Игумении достигнем и мы райских селений за труды спасения похвальная, воспевая сице словеса: Радуйся, Пресвятая Богородице Дево; Радуйся, спасения нашего Помощнице. Радуйся, Игумение за всех Всещедрая; Радуйся, в преподобии Ты еси первая. Радуйся, покровом милости весь мир покрывающая; Радуйся, сирот странных питающая. Радуйся, юным целомудрия Наставнице; Радуйся, о всех людех благая Печальнице. Радуйся, рода праотца Адама веселие; Радуйся, тихое пристанище спасения. Радуйся, Всещедрая наша Мати Игумение; Радуйся, благое начало и конец нашего песнопения. Радуйся, Пресвятая Богородице Дево, святыя горы Афона и всея вселенныя православных обителей Всечестная Игумение.

Кондак 13

О Всепетая наша Мати Игумение, Преславная Владычице Богородице! Приими сия моления наша, от всея души Тебе ныне нами возносимыя и сподоби в чине Ангельстем достигнути Небеснаго Царствия, идеже вси святии, Ангели и человецы, воспевают непрестанными гласы хвалу Пресвятей Троице Богу: Аллилуиа.

(Это кондак читается трижды, затем 1-й икос и 1-й кондак)

Молитва к Пресвятой Богородице перед Ея иконой, именуемой “Экономисса или Игумения горы Афонской”

О Пречестная Владычице Богородице, Всечестная наша Мати Игумение, всех православных обителей иноческаго жития, во святей горе Афонстей и по всей вселенней сущих! Приими смиренныя моления наша и принеси яко Все щедрому Богу нашему, да спасет души наша Своею благодатию. Воззри на ны милосердным Твоим оком и соверши Сама о Господе наше спасение, понеже без милости Спаса нашего и Твоего святаго о нас ходатайства, мы, окаянные, не возможем совершити свое спасение, яко окаляхом житие наше в суетах мирских, ибо время приближается жатвы Христовой в день Страшнаго Суда приспе. Мы же, окаянныя, погибаем в бездне греховной, нерадения ради нашего, по реченному от святых отцев, первоначальников ангельскаго по плоти жития: яко последний монаси нерадением жития своего уподобятся мирским людем, еже и сбыстся днесь, ибо иночество наше плавает житием своим на море житейстем среди великия бури и непогоды: ибо наши святыя обители в прахе пребывают грехов ради наших, Всеправедный Господь наш Иисус Христос, тако благоволи, мы же, недостойнии, не имеем где главы подклонити. О сладчайшая наша Мати Игумение! Собери ны, разсеянное стадо Христово, во едино и спаси всех православных христиан, сподоби райския жизни со Ангелы и всеми святыми во Царствии Христа Бога нашего, Емуже честь и слава со Безначальным Его Отцем и со Пресвятым и Благим и Животворящим Духом во веки веков. Аминь.

Предстательство страшное и непостыдное, не презри, Благая, молитв наших, Всепетая Богородице, Милостивая верных Домостроительнице, утверди православных жительство, спаси страну нашу и всех православно живущих в ней защити, зане родила еси Бога, Едина Благословенная.


Источники: http://www.vidania.ru/icony/akafist_ikone_ekonomissa.html, http://sv-afon.orthodoxy.ru/ikon_bog/ekonomis/index.htm, http://www.deva-maria.ru/index.php?catid=33:ikona-bogomateri&id=557:ikona-bozhiei-materi-ekonomissa-bogorodica-bogomater&Itemid=3&option=com_content&view=article, http://pokrov.skynet.net.ua/modules/cd3/bogoroditsa/ekonomissa.htm
Комментариев пока нет!

Поделитесь своим мнением








2017 - Правосланые иконы
икона богородицы экономисса